સમગ્ર દેશમાં કેમિકલ મુક્ત ખેતીને પ્રોત્સાહન આપવામાં આવશે

નાણા મંત્રીએ કહ્યું કે 2021-22માં રવિ સિઝન અને ખરીફ સિઝનમાં ડાંગર અને ઘઉંની ખરીદી 1208 લાખ મેટ્રિક ટન થઈ છે, જે 163 લાખ ખેડૂતો પાસેથી ખરીદવામાં આવી હતી. અને MSP આધારિત 2.37 લાખ કરોડની સીધી ચુકવણી સરકાર દ્વારા કરવામાં આવી છે.

નાણામંત્રીએ કહ્યું કે આગામી વર્ષોમાં સમગ્ર દેશમાં કેમિકલ મુક્ત ખેતીને પ્રોત્સાહન આપવામાં આવશે. આ દરમિયાન ગંગાના કિનારે રહેતા ખેડૂતોની જમીન પર વિશેષ ધ્યાન આપવામાં આવશે. આ માટે 5 કિલોમીટર પહોળો કોરિડોર બનાવવામાં આવશે.

5 વર્ષમાં 6 હજાર કરોડની રેમ્પ શરૂ થશે. દેશમાં ટેક્સ ઈ-પોર્ટલ શરૂ થશે, દેશવાસીઓને ઓનલાઈન ટ્રેનિંગ મળશે. સ્ટાર્ટઅપમાં ડ્રોન પાવર પર ભાર મૂકવામાં આવશે. તેના અભ્યાસક્રમો પસંદગીની ITI માં શરૂ થશે.  કોરોનાના સમયમાં ગરીબ વર્ગના બાળકોના 2 વર્ષના શિક્ષણનું નુકસાન થયું છે. આગામી સમયમાં 1 ક્લાસ એક ટીવી ચેનલ હેઠળ 12 થી 200 ટીવી ચેનલો કરવામાં આવશે. જે બોલાતી બધી ભાષાઓમાં રજૂ કરવામાં આવશે.

નાણામંત્રીએ જાહેરાત કરી કે ઇમરજન્સી ક્રેડિટ લાઇન ગેરંટી સ્કીમ માર્ચ 2023 સુધી લંબાવવામાં આવી છે. આ યોજના હેઠળ ગેરંટી કવર વધારીને 50 હજાર કરોડ કરવામાં આવ્યું છે અને કુલ કવર હવે 5 લાખ કરોડનું થશે.

નાણામંત્રી નિર્મલા સીતારમણે કહ્યું કે નાગરિકોની સુવિધા વધારવા માટે 2022-23માં ઈ-પાસપોર્ટ જારી કરવામાં આવશે. 2022-23માં 60 કિમી લંબાઈના 8 રોપવે પ્રોજેક્ટ માટે કોન્ટ્રાક્ટ આપવામાં આવશે.