સારા અલી ખાને નવાબી ઠાઠ છોડી ટ્રેક્ટર ચલાવ્યું

મુંબઈ, બોલિવૂડ એક્ટ્રેસ સારા અલી ખાન અવારનવાર પોતાની સ્ટાઈલને લઈને ચર્ચામાં રહે છે. ફિલ્મી દુનિયા સિવાય, સારા સોશિયલ મીડિયા પર પણ ખૂબ જ એક્ટિવ રહે છે અને ઘણી વાર તેની તસવીરો અને વીડિયો ફેન્સ સાથે શેર કરે છે. હાલમાં જ તેણે ઈન્સ્ટાગ્રામ પર તેની કેટલીક તસવીરો શેર કરી છે, જેમાં તે નવા અંદાજમાં જાેવા મળી રહી છે. આ તસવીરોમાં સારા ક્યારેક ટ્રેક્ટર ચલાવતી તો ક્યારેક બકરીઓ ચરાવતી જાેવા મળી રહી છે.

સારા અલી ખાનની આ તસવીરો જાેઈને એક્ટ્રેસના ફેન્સ તેના વખાણ કર્યા વગર રહી શક્યા નથી. આ તસ્વીરોમાં સારા અલી ખાન ટ્રેક્ટરમાં અને બકરા ચરાવતી હોય તેવો પોઝ આપી રહી છે. ફોટો શેર કરતી વખતે તેણે એક જ કેપ્શન પણ આપ્યું છે. બકરીઓનું પાલન, ટ્રેક્ટર ચલાવવું.

શું આ માત્ર ફોટો માટેનું બહાનું છે? કે સારા ઈચ્છે છે કે તે એક અલગ યુગ હતો. સારાની આ તસવીરો ઉત્તર પ્રદેશના ચકિયાની છે, જેમાં સારાનો અવતાર જાેવા મળી રહ્યો છે. સારા અવારનવાર પોતાની ફની અને દેશી સ્ટાઈલથી ફેન્સનું મનોરંજન કરતી રહે છે.

સારા અલી ખાનની ફિલ્મ ‘અતરંગી રે’ તાજેતરમાં રિલીઝ થઈ છે, જેમાં સારા એકદમ અલગ અંદાજમાં જાેવા મળી રહી છે. આ ફિલ્મમાં તેની જાેડી સાઉથના સુપરસ્ટાર ધનુષ અને બોલિવૂડ સ્ટાર અક્ષય કુમાર સાથે છે. જેમાં અભિનેત્રી બિહારી યુવતીના રોલમાં છે.SSS