સિંગરવામાં યુવતિની છેડતી બાબતે અથડામણ થતાં ભારે અફડાતફડી
(પ્રતિનિધિ દ્વારા) અમદાવાદ : નિકોલ વિસ્તારમાં સિંગારવા નજીક દશામાંના મંદિર પાસે ગઈકાલે બે જુથ વચ્ચે જારદાર અથડામણ થતા ભારે અફડાતફડી મચી જવા પામી હતી. પોલીસ આ અંગે રાયોટીંગનો ગુનો દાખલ કરી ધરપકડની તજવીજ હાથ ધરી છે.
પોલીસના જણાવ્યા અનુસાર આ અંગેની વિગત એવી છે કે નિકોલ વિસ્તારમાં સિંગરવા ખાતે દશામાંના મંદિર પાસે ગોપાલનગરમાં રહેતા નરસીભાઈ લક્ષ્મણભાઈ ઠાકોર અને આ જ સ્થળે રહેતા ભોલા, ગફુરભાઈ વચ્ચે અગાઉ થયેલી યુવતિની છેડતી બાબતે મનદુઃખ ચાલતું હતુ. ગઈકાલે આશરે નવ વાગ્યાના સુમારે ફરી નરસીભાઈ અને ભોલા વચ્ચે આ બાબતે ઝઘડો થતાં બંન્ને જુથના લોકો ઘટનાસ્થળે એકત્ર થઈ ગયા હતા.
અને જાતજાતામાં જ બંન્ને જુથ વચ્ચે જારદાર મારામારી થતાં ભારે અફડાતફડીનો માહોલ સર્જાયો હતો. અને લોકોએ ભાગદોડ કરી મુકી હતી. બનાવની જાણ થતાં જ નિકોલ પોલીસે તાત્કાલિક ઘટનાસ્થળે પહોંચી ટોળાને વિખેરી નાંખ્યા હતા.
અને આ વિસ્તારમાં આ પ્રકારની અન્ય કોઈ ઘટના ન બને એ માટે કડક પોલીસ બંદોબસ્ત ગોઠવી દઈ સઘન પેટ્રોલીંગ શરૂ કરી દીધું હતુ. આ બાબતે નરસીભાઈ લક્ષ્મણભાઈ ઠાકોરની ફરીયાદના આધારે પોલીસે ભોલા ગફુરભાઈ, ગફુરભાઈ ગાંડાભાઈ અને કનુભાઈ ગાંડાભાઈ સહિત ચાર શખ્સો વિરૂધ્ધ ગુનો દાખલ કરી આગળની કાર્યવાહી હાથ ધરી છે.
