સિદ્ધાર્થ શુકલા પર દારૂના નશામાં ગરીબ સાથે મારામારીનો આરોપ
મુંબઈ: બિગ બોસ ૧૩ના વિનર અને એક્ટર સિદ્ધાર્થ શુક્લાની ઈમેજ શો દરમિયાન એક એન્ગ્રી મેનની હતી. સિદ્ધાર્થ માત્ર શોમાં જ નહીં પરંતુ રીયલ લાઈપમાં પણ કોઈને કોઈ કારણે ચર્ચામાં રહેતો હોય છે. એક્ટરે શો બાદ કન્ટેસ્ટન્ટ શહનાઝ ગિલ સાથે ઘણા મ્યુઝિક વિડીયોમાં દેખાયો. હાલમાં જ તેનું નવું સોન્ગ રિલીઝ થયું છે. હવે સિદ્ધાર્થ શુક્લાનો એક ચોંકાવનારો વિડીયો સામે આવ્યો છે,જે ખૂબ વાઈરલ થઈ રહ્યો છે.
વિડીયોમાં એક વ્યક્તિ સિદ્ધાર્થ પર દારૂ પીને ડ્રાઈવ કરવા અને ગરીબ વ્યક્તિ સાથે મારામારી કરવા જેવો ગંભીર આરોપ લગાવી રહ્યો છે. આ વિડીયોમાં સિદ્ધાર્થ શુક્લા કારમાં બેઠેલો ખૂબ જ ગુસ્સામાં દેખાઈ રહ્યો છે. સિદ્ધાર્થનો આ વિડીયો ફેન્સને ખૂબ જ હેરાન કરી રહ્યો છે. સિદ્ધાર્થના વાઈરલ થયેલા વિડીયોમાં જાેઈ શકો છો કે એક વ્યક્તિ તેને રેકોર્ડ કરી રહ્યો છે. આ જ વ્યક્તિ કહેતા સંભળાય છે કે એક્ટરે કારણ વિના એક ગરીબ વ્યક્તિ સાથે મારામારી કરી. વિડીયો ઉતારનારા વ્યક્તિને ચહેરો તો દેખાતો નથી,
પરંતુ તેનો અવાજ સંભળાય છે. તે કહી રહ્યો છે કે, સિદ્ધાર્થ શુક્લા દારૂના નશામાં ડ્રાઈવ કરી રહ્યો છે. જ્યારે સિદ્ધાર્થ પોતાના બચાવમાં એમ કહેતા સંભળાય છે કે તે વ્યક્તિએ તેને છરી બતાવી હતી. આ વિડીયો પર કેટલાક લોકો સિદ્ધાર્થ પ્રત્યે નારાજગી દર્શાવી રહ્યા છે, તો કેટલાક તેને સપોર્ટ કરી રહ્યા છે. ઉલ્લેખનીય છે કે સિદ્ધાર્થે ૧૨મી ડિસેમ્બરે પોતાનો ૪૦મો બર્થડે સેલિબ્રેટ કર્યો. આ અવસરે શહનાઝ ગિલે તેને અડધી રાત્રે કેક કાપીને સરપ્રાઈઝ આપી હતી. આ દરમિયાનો વિડીયો પણ સોશિયલ મીડિયામાં ખૂબ વાઈરલ થયો હતો. જેને શહનાઝે પોતાના ઈન્સ્ટાગ્રામ એકાઉન્ટ પર શેર કર્યો હતો.
