સીરિયલ ક્યોંકિ સાસ ભી કભી બહુ થીના ૨૧ વર્ષ પુરા થયા
મુંબઈ: ક્યોંકિ સાસ કી કભી બહુ થી ભારતીય ટેલિવિઝનના ઈતિહાસના સૌથી પોપ્યુલર શો પૈકીનો એક છે. આ શોએ હાલમાં જ ૨૧ વર્ષ પૂરા કર્યા છે. આ પ્રસંગે શોની પ્રોડ્યુસર એકતા કપૂર સહિત આખી કાસ્ટ જશ્નના મૂડમાં જાેવા મળી હતી. આ સીરિયલમાં તુલસીનો રોલ કરનારા એક્ટ્રેસ સ્મૃતિ ઈરાનીએ પણ શોના ૨૧ વર્ષ થતાં ખૂબ ઉત્સાહિત છે. સ્મૃતિ ઈરાની અને એકતા કપૂરે પોતપોતાના ઈન્સ્ટાગ્રામ અકાઉન્ટ પર શોની નાનકડી ક્લિપ શેર કરીને યાદો વાગોળી હતી. સ્મૃતિ ઈરાનીએ ઈન્સ્ટાગ્રામ અકાઉન્ટ પર વિડીયો શેર કરતાં એ પણ જણાવ્યું કે, તેમને કઈ વાતનું દુઃખ છે. સ્મૃતિએ વિડીયો શેર કરતાં લખ્યું, અમે વચન આપ્યું હતું કે ફરી મળીશું પરંતુ અમે વચન પાળી ના શક્યા.
૨૧ વર્ષ પહેલા એક સફરની શરૂઆત થઈ હતી જેણે ઘણી જિંદગીઓ બદલી નાખી. કેટલાકના જીવનમાં ખુશીઓ આવી, થોડાક ત્રાહિત થયા પરંતુ જેમણે જાેયું અને તેના પર કામ કર્યું તે બધા પર અસર થઈ. સંસ્મરણો માટે આભાર. આ પોસ્ટ લખવાની સાથે સ્મૃતિ ઈરાનીએ એકતા કપૂર, અપરા મહેતા, અનિતા હસનંદાની, મૌની રોય, મંદિરા બેદી, અમર ઉપાધ્યાય, રોનિત બોસ રોય સહિતના શોના કલાકારોને ટેગ કર્યા હતા. ૩ જુલાઈ ૨૦૨૧ના રોજ આ શોના ૨૧ વર્ષ પૂરા થતાં એકતા કપૂરે પણ ખાસ વિડીયો શેર કર્યો હતો. તેણે લખ્યું, ઘણાં વર્ષો પહેલા આજના દિવસે મારી જિંદગી બદલી નાખી હતી. સ્ટાર પ્લસ, સમરીન, સ્મૃતિ ઈરાની, રાજુભાઈ, વિપુલભાઈ અને આ શો સાથે જાેડાયેલા તમામનો આભાર.
જય શ્રી કૃષ્ણ. એકતા કપૂરના પ્રોડક્શન હાઉસ હેઠળ બનેલો આ શો ૩ જુલાઈ ૨૦૦૦ના રો શરૂ થયો હતો અને ૨૦૦૮ સુધી ચાલ્યો હતો. આ શો ૧૮૦૦થી વધુ એપિસોડ પૂરા કર્યા હતા. તુલસી વિરાણીનો રોલ કરીને સ્મૃતિ ઈરાની ઘરે-ઘરે પ્રચલિત થયા હતા. આ શોમાં સ્મૃતિ ઉપરાંત અમર ઉપાધ્યાય, મૌની રોય, મંદિરા બેદી, રોનિત રોય, સુધા શિવપુરી, હિતેન તેજવાની, ગૌરી પ્રધાન, રક્ષંદા ખાન, તસનીમ શેખ, કેતકી દવે, હુસૈન કાજેરવાલા, અપરા મહેતા વગેરે કલાકારો હતા.
