સુધાંશુ અને મદાલસાએ હાલમાં સાથે ફોટોશૂટ કરાવ્યું

મુંબઇ, ઓનસ્ક્રીન બંને વચ્ચે ખાટી-મીઠી તકરાર થતી હશે પરંતુ રિયલ લાઈફમાં સુધાંશુ પાંડે અને મદાલસા શર્મા ખૂબ સારા મિત્રો છે. ટીવી સીરિયલ અનુપમામાં સુધાંશુ પાંડે વનરાજ શાહનો રોલ કરે છે જ્યારે મદાલસા તેની પત્ની કાવ્યાનો રોલ કરે છે.

હાલમાં જ તેમણે એક ફોટોશૂટ કરાવ્યું છે જેનું કારણ એ છે કે, દર્શકો તેમને રિયલ લાઈફમાં પણ ઓળખી શકે. સુધાંશુ પાંડેએ ઈટાઈમ્સ ટીવી સાથેની વાતચીતમાં કહ્યું, અનુપમા’માં અમારા પાત્રો ગ્રે શેડના છે. ઘણીવાર લોકો એ પાત્રોને સાચા માની લે છે અને ભજવનારા એક્ટરને ભૂલી જાય છે.

આ ફોટોશૂટ કરાવવા પાછળનો અમારો મુખ્ય ઉદ્દેશ આ જ હતો. જ્યાં અમે રિયલ લાઈફમાં જેવા છીએ તેવા લાગી શકીએ. મદાલસા શર્મા સાથેના બોન્ડ વિશે વાત કરતાં સુધાંશુએ કહ્યું, મદાલસા સાથેનું મારું ઓફસ્ક્રીન બોન્ડ ખૂબ મજબૂત છે. અમે ખૂબ સારા મિત્રો છીએ અને એકબીજાને સારી રીતે સમજીએ છીએ.

મદાલસા ઉદાર દિલની, પ્રામણિક અને પારદર્શક વ્યક્તિ છે. મને તેની આ જ વાત સૌથી વધુ ગમે છે. મદાલસાએ સુધાંશુની વાતમાં ઉમેરો કરતાં કહ્યું, અમે ખૂબ સારા મિત્રો છીએ. ઓફસ્ક્રીન અમારી વચ્ચે ઝઘડો નથી થતો.

તે ખૂબ સારો, કાળજી રાખનારો અને પ્રેમાળ વ્યક્તિ છે. એક વર્ષથી વધુ સમયથી અમે એકબીજા સાથે કામ કરીએ છીએ ત્યારે કમ્ફર્ટેબલ થઈ ગયા છીએ. સુધાંશુ એવો વ્યક્તિ છે જેના પર હું સરળતાથી વિશ્વાસ કરી શકું છું. તે સાચો અને પ્રામાણિક છે. મદાલસા એકદમ ચંચળ અને મસ્તીખોર છે ત્યારે પ્રેન્ક પણ તે જ કરે છે.

આ વાત સ્વીકારતાં તેણે કહ્યું, “સુધાંશુનું રિએક્શન જાેવાની મજા આવે છે. સેટ પર બધા એકબીજા સાથે પ્રેન્ક કરે છે પરંતુ સુધાંશુની પ્રતિક્રિયા સૌથી મજેદાર હોય છે. મસ્તીખોર ફ્રેન્ડ મદાલસા વિશે વાત કરતાં સુધાંશુએ કહ્યું, “મોટાભાગે તે મારા પર જ પ્રેન્ક કરે છે. આ પ્રેન્ક બાળકો કરે તેવા હોય છે પણ તે આવી જ છે અને તેને પ્રેન્ક કરવામાં મજા આવે છે. સેટ પર ઘણાં લોકો પ્રેન્ક કરતાં રહે છે અને તમે ઘણાં કલાકો સુધી સેટ પર રહો ત્યારે આ સામાન્ય વાત છે. અમે એકબીજા સાથે કેટલાય કલાકો વિતાવીએ છીએ અને મસ્તી પણ કરીએ છીએ.”SSS