સોના-ચાંદીના ઘરેણાંની ખરીદી કરનાર વેપારીઓને રજીસ્ટર બનાવવા આદેશ

હિંમતનગર, રાજ્યમાં બનતા ગુનાઓમાં સોના-ચાંદીના ઘરેણાંની ચોરીના ચેન સ્નેચિંગના ગુનાઓનું પ્રમાણ વધવા પામેલ છે. આવા ગુનાઓ આચરી ચોરી કરેલ ઘરેણાં-દાગીના, ચેનો, સોનું-ચાંદી વગેરે તથા આવા દાગીના ઓગાળીએ ચોરો લૂંટફાટ કરનારાઓ સોના-ચાંદી લે-વેચ કે શો-રૂમવાળા વેપારીઓને વેચાણ કરતા હોય છે

અને ચોરીનો મુદ્દામાલ વેચવા આવનારની માલિકીનો માની વેચાણ આપનારના કોઈ ઓળખના પૂરાવા કે કોઈ ચોક્કસ નામ-સરનામાની માહિતી મેળવ્યાં સિવાય અજાણતામાં વેચાણ રાખતા હોય છે

અને ચોરીની તપાસમાં છેવટે આવો મુદ્દામાલ વેચાણ રાખનાર પાસે કોઈ જ માહિતી ન હોવાના કારણે ચોરી કરનાર સુધી પહોંચવામાં પોલીસને પણ ખૂબ જ મુશ્કેલી અનુભવવી પડે છે અને અશક્ય પણ બની જાય છે.

જે બાબતે કાયદો અને વ્યવસ્થા સંદર્ભે આવા સોના-ચાંદીના દાગીના, વસ્તુઓ, દાગીના ઓગાળીને બનાવેલ ગઠ્ઠા જેવી વસ્તુઓ વેચાણ રાખનાર દુકાનદાર પાસે ઓળખના પૂરાવા મેળવી તેની સત્યતા ચકાસી પછી જ ખરીદીનું લખાણ નામ-સરનામું, મોબાઈલ નંબર વગેરે મેળવી ઉપલબ્ધ રાખી દુકાનદાર વેપારી નિયત નમૂનામાં રજિસ્ટર નિભાવી અવશ્ય નોંધવાનું રહેશે અને માન્ય તપાસ અધિકારી તપાસ માંગે ત્યારે તે રજૂ કરવાનું રહેશે.