હવે શ્રદ્ધા કપૂરના સેલિબ્રિટી ફોટોગ્રાફર સાથે લગ્ન થઈ શકે
મુંબઈ: બોલિવૂડ એક્ટર વરુણ ધવન આખરે પોતાની રિયલ લાઈફ દુલ્હનિયા નતાશા દલાલ સાથે અલીબાગમાં એક પ્રાઈવેટ સેરેમનીમાં લગ્નના બંધનમાં બંધાઈ ગયો. લગ્ન બાદ વરુણે પાપરાજી સમક્ષ નતાશાને લાવીને તેનો પરિચય કરાવ્યો હતો. વરુણના લગ્ન બાદ બોલિવૂડ સેલેબ્સ અને મિત્રોએ સોશિયલ મીડિયા મારફતે નવા કપલને શુભકામનાઓ પાઠવી હતી.
આ મેસેજમાં વરુણના ખાસ મિત્ર અને સેલેબ્રિટી ફોટોગ્રાફર રોહન શ્રેષ્ઠાનું નામ પણ સામેલ છે. બંને વચ્ચે સોશિયલ મીડિયા પર એક ખાસ સંવાદ થયો હતો, જેના કારણે હવે બોલિવૂડમાં વધુ એક સેલેબના લગ્ન થવા જઈ રહ્યા હોવાની અટકળો ચર્ચામાં આવી ગઈ છે.
રોહને નવ પરિણીત વરુણ અને નતાશાને એક ખાસ ઈન્સ્ટા સ્ટોરી મૂકીને અભિનંદન પાઠવ્યા હતા. જેના કેપ્શનમાં લખ્યું હતું, અભિનંદન ફડ્ઢ અને જ્યારે તમે જાણો છો તમને ખબર હોય છે! ફડ્ઢ તુ ખુશનશીબ વ્યક્તિ છે. રોહનના આ મેસેજ પર વરુણ ધવને જવાબ આપતા લખ્યું હતું, ખરેખર હું છું. આશા છે તું તૈયાર હોઈશ.
ઉલ્લેખનીય છે કે રોહત શ્રેષ્ઠા બોલિવૂડ એક્ટ્રેસ શ્રદ્ધા કપૂર સાથે રિલેશનમાં હોય તેવી વાતો લાંબા સમયથી ચાલી રહી છે. અટકળો એવી પણ છે કે બંનેએ સગાઈ કરી લીધી છે અને પોતાના સંબંધને આગળના સ્ટેજ પર લઈ જવા માટે તૈયાર છે. બોલિવૂડ અભિનેત્રી શ્રદ્ધા કપૂરે આ વિષય પર પહેલા જણાવ્યું હતું કે, હાલમાં તે કામમાં એટલી વ્યક્ત છે કે તેની પાસે લગ્ન માટે વિચારવાનો સમય પણ નથી.
તેણે અફવાઓ પર હસતા કહ્યું હતું કે, હાલમાં, મારી પાસે હું જે ફિલ્મો કરી રહી છું તેના સિવાય બીજું કંઈ વિચારવાનો સમય નથી. અને જેમ તમે કહ્યું આ માત્ર ‘વાતો’ છે. તમને જણાવી દઈએ કે શ્રદ્ધા અને રોહન આ પહેલા મુંબઈમાં ઘણીવાર એક સાથે ફરતા અને બાઈક રાઈડનો આનંદ માણતા જાેવા મળી ચૂક્યા છે.
