હોટલો-રેસ્ટોરન્ટો ચાલુ કરવા મુખ્યમંત્રી સમક્ષ રજૂઆત
અમદાવાદ, રાજ્યની હોટલ અને રેસ્ટોરન્ટ એસોસિયેશને મુખ્યમંત્રી વિજય રૂપાણીને પત્ર લખી ૩૧ મે બાદ હોટલ અને રેસ્ટોરન્ટ ચાલુ કરવા માંગ કરી છે. આ પત્રમાં તેઓએ જણાવ્યું છે કે રાજ્ય સરકારના પર્યટન વિભાગે હોટલ કાર્યરત કરવા કોરોનાની માર્ગદર્શિકા જાહેર કરી છે. હોટલો ૩૧ મે બાદ શરૂ કરવામાં આવે અને હોમડિલિવરીનો સમય સાંજે ૪ વાગ્યાની જગ્યાએ રાતે ૧૧ વાગ્યા સુધી કરવામાં આવે જેથી રાતે પણ જમવાની સુવિધાઓ પુરી પાડી શકાય. હોટલમાં પણ દારૂની પરમીટ શોપ શરૂ કરવામાં આવે.
