૨૦૨૩માં જેકી ભગનાની સાથે પરણી જશે રકુલ

મુંબઈ, બોલિવુડ કપલ રકુલ પ્રીત સિંહ અને જેકી ભગનાનીએ ગત વર્ષે તેમની રિલેશનશીપને દુનિયાની સામે સ્વીકારી હતી. હવે લાગી રહ્યું છે કે, કપલ તેમના સંબંધને આગળ વધારવા માટે ઉત્સુક છે. અમારા સહયોગી ઈટાઈમ્સને મળેલી માહિતી અનુસાર, રકુલ અને જેકી ૨૦૨૩માં લગ્ન કરવાના છે.

સૂત્રો પાસેથી પ્રાપ્ત જાણકારી મુજબ, લગ્ન ૨૦૨૩માં થશે તે નક્કી છે. બંને એકબીજાને ખૂબ પ્રેમ કરે છે અને તેઓ લગ્નમાં વિશ્વાસ ધરાવે છે. તારીખ, મહિનો કે સમય હજી નક્કી નથી થયો પરંતુ બંને પરિવારોએ લગ્નની તૈયારી શરૂ કરવાનો ર્નિણય કરી દીધો છે.

જેકીના પિતા વાસુ ભગનાની દીકરાના લગ્ન ધામધૂમથી કરાવવામાં કોઈ કચાશ નથી રાખવા માગતા. એટલે જેકી-રકુલના લગ્ન શાહી ઠાઠ સાથે થાય તો નવાઈ નહીં.

રકુલના ભાઈ અમન સાથે ઈટાઈમ્સે વાત કરી ત્યારે તેણે લગભગ લગભગ લગ્નના સમાચાર પરથી પડદો ઊંચકી જ દીધો. તેણે કહ્યું, રકુલે જેકી ભગનાનીએ પ્રોડ્યુસ કરેલા કેટલાક પ્રોજેક્ટમાં કામ કર્યું છે. લગ્ન ચોક્કસથી થશે પરંતુ હાલ આ અંગે કંઈ સ્પષ્ટ ના કહી શકું.

જ્યારે રકુલ નક્કી કરશે ત્યારે તે જાતે જ લગ્નની જાહેરાત કરી દેશે. જાે લગ્ન થવાના હોત તો મને ખબર હોત. મેરેજ કોઈપણ સંબંધનું ક્લાઈમેક્સ છે. જેકી ભારતીય સિનેમાના ટોપ પ્રોડ્યુસરો પૈકીનો એક છે અને તેણે કેટલાક મહત્વાકાંક્ષી પ્રોજેક્ટ અંગે વિચારી રાખ્યું છે.

હકીકતે તો હાલ રકુલ અને જેકી બંને ખૂબ વ્યસ્ત છે. તેમના પોતાના લક્ષ્યો છે.” રકુલના ભાઈએ લગ્નની વાત નકારી નથી અને ખુલીને હા પણ નથી પાડી. રકુલે પણ પોતાના લગ્નના અહેવાલો પર પ્રતિક્રિયા આપી છે.

તેણે ઈટાઈમ્સના રિપોર્ટ પર પ્રતિક્રિયા આપતાં ટિ્‌વટર પર લખ્યું, “અમન તેં કન્ફર્મ કરી દીધું? મને કીધું પણ નહીં ભાઈ…કેટલી રમૂજી વાત છે કે મારી પાસે મારા જ લગ્નના સમાચાર નથી.” આ સાથે જ રકુલે હસતા ઈમોજી શેર કર્યા છે. મતલબ કે, રકુલે ભલે લગ્નની વાત હસવામાં ઉડાવી દીધી પણ તેણે નકારી નથી. રકુલ હાલ લંડનમાં આગામી ફિલ્મ ‘મેરે હસબંડ કી બીવી’ ફિલ્મનું શૂટિંગ કરી રહી છે.

આ ફિલ્મમાં તેની સાથે અર્જુન કપૂર અને ભૂમિ પેડનેકર છે. તેણે લંડનમાં ૩૨મો બર્થ ડે ઉજવ્યો હતો. જેમાં જેકી ભગનાની, અર્જુન કપૂર અને ગર્લફ્રેન્ડ મલાઈકા અરોરા, ભૂમિ પેડનેકર, ડીનો મોરિયા સામેલ થયા હતા. વર્કફ્રંટની વાત કરીએ તો, રકુલ આ ફિલ્મ ઉપરાંત આયુષ્માન ખુરાના સાથે ‘ડૉક્ટર જી’માં જાેવા મળશે.SS1MS