મૌની અમાવસ્યાએ ૧૦ કરોડ ભાવિકો સ્નાન કરશે
File Photo
રોજ ‘વોટર ટેસ્ટિંગ’ : કુંભ મેળામાં વોટર અને વેસ્ટ મેનેજમેન્ટ માટે ૧૬૦૦ કરોડની ફાળવણી
આધુનિક ટેક્નોલોજીથી મહાકુંભમાં ગંગાના જળને સ્વચ્છ રખાય છે
મહાકુંભ નગર,પ્રયાગરાજમાં યોજાઇ રહેલા મહાકુંભમાં રોજેરોજ લાખો શ્રદ્ધાળુ ‘પવિત્ર સ્નાન’નું પુણ્ય મેળવી રહ્યા છે ત્યારે વહીવટી તંત્રએ ગંગાને સ્વચ્છ રાખવા માટે પણ ભગીરથ પ્રયાસ કર્યા છે. સંગમ તટના જળની શુદ્ધતા માટે પ્રદૂષણ નિયંત્રણ બોર્ડ નદીના પાણીનું રોજ પરીક્ષણ (સેમ્પલ ટેસ્ટિંગ) કરે છે. ઉપરાંત, ગંગાના પાણીમાં પધારાવાયેલા ફૂલો અને પૂજા સામગ્રીને ૨૦૦ કિમી.ની કામચલાઉ ડ્રેનેજ સિસ્ટમ દ્વારા નદીના પાણીથી અલગ કરવામાં આવે છે.દર ૧૨ વર્ષે યોજાતા મહાકુંભમાં આઠ કરોડથી વધુ શ્રદ્ધાળુ ‘પવિત્ર ડૂબકી’ લગાવી ચૂક્યા છે. ૨૯ જાન્યુઆરીએ મૌની અમાસના દિવસે અધિકારીઓને ૫૦ લાખ ભક્તોના આગમનનો અંદાજ છે. તેને લીધે રોજ ૨૪ કરોડ લિટરનું ગંદુ પાણી અને ૧.૬ કરોડ લિટરનો કીચડયુક્ત કચરો ઠલવાશે. જેને દૂર કરવા તંત્ર આધુનિક ટેન્કોલોજીનો ઉપયોગ કરી રહ્યું છે.
ઉત્તર પ્રદેશ સરકારના અધિકારીઓના જણાવ્યા અનુસાર ચાલુ વર્ષે રાજ્ય સરકાર કુંભ મેળા પર રૂ.૭,૦૦૦ કરોડનો ખર્ચ કરી રહી છે. જેમાં વોટર અને વેસ્ટ મેનેજમેન્ટ માટે રૂ.૧,૬૦૦ કરોડની ફાળવણી કરવામાં આવી છે.મહા કુંભમેળાના એડિશનલ ડિસ્ટ્રિક્ટ મેજિસ્ટ્રેટ વિવેક ચતુર્વેદીએ જણાવ્યું હતું કે, “નદીનું પાણી સ્નાન માટે બિલકુલ સ્વચ્છ છે. પ્રદૂષણ નિયંત્રણ બોર્ડની ટીમ રોજ જુદાજુદા ઘાટ પરથી નદીના પાણીના સેમ્પલ્સનું ટેસ્ટિંગ કરે છે. ઉપરાંત, ભક્તો નદીમાં ફૂલો, શ્રીફળ અને અન્ય ચીજો પધરાવે છે. જેને દર બે કલાકે પાણીમાંથી બહાર કાઢવા મશિનની વ્યવસ્થા કરાઇ છે. નદીના પાણી અને ઘાટોની શુદ્ધતા જાળવવા ગંગા સેવાદૂતોની ટીમ વિવિધ ઘાટ પરથી કચરાનો નિકાલ કરે છે. તે જુદીજુદી શિફ્ટમાં કામ કરે છે.”યુપીના પ્રયાગરાજમાં યોજાઇ રહેલા મહાકુંભમાં મૌની અમાવસ્યાના ‘અમૃત સ્નાન’માં ૧૦ કરોડ ભક્તો ભાગ લેશે તેવું અનુમાન છે. ૨૯ જાન્યુઆરીએ આ સ્નાનના દિવસે ટ્રાફિક અને ભીડનું અસરકારકરીતે સંચાલન કરવા માટે સર્વગ્રાહી પગલા લેવામાં આવી રહ્યા છે. કુંભમાં સ્નાનનું અનેરું મહત્વ હોય છે. આમ તો મહાકુંભનો દરેક દિવસ સ્નાન માટે પવિત્ર હોય છે. પરંતુ મૌની અમાવસ્યા સહિત કેટલાક દિવસો તે વધુ માનવામાં આવે છે. આ દિવસોના સ્નાનને ‘અમૃત સ્નાન’ તરીકે માનવામાં આવે છે. મૌની અમાવસ્યાના દિવસે અધિકારીઓને એ સુનિશ્ચિત કરવા સૂચના આપવામાં આવી છે કે ભક્તો જ્યાંથી આવે છે તે જ ક્ષેત્ર અથવા ઝોનમાં પાછા ફરે. કોઈ પણ સંજોગોમાં ભક્તોને સંગમ અથવા અન્ય ઝોનમાં જવાની મંજૂરી આપવામાં આવશે નહીં.ss1
