મજૂરોને લઈ જતી બસ ખીણમાં પડતાં 12 લોકોના મોતઃ 15 ઈજાગ્રસ્ત

છત્તીસગઢના દુર્ગ જિલ્લામાં માર્ગ અકસ્માતમાં ૧૨ લોકોના મોત

(એજન્સી)રાયપુર, છત્તીસગઢના દુર્ગ જિલ્લામાં એક માર્ગ અકસ્માતમાં ૧૨ લોકોના મોત થયા છે. જણાવવામાં આવી રહ્યું છે કે, મોડી સાંજે મજૂરોને લઈ જતી બસ લાલ મુરુમની ખીણમાં પડી ગઈ હતી. અકસ્માત સમયે બસમાં ૩૦થી વધુ લોકો સવાર હતા. પોલીસના જણાવ્યા અનુસાર બસ ખાઈમાં પડી જવાને કારણે અત્યાર સુધીમાં ૧૨ લોકોના મોત થયા છે, જ્યારે બાકીના ૧૫ લોકો ગંભીર રીતે ઈજાગ્રસ્ત હોવાનું કહેવાય છે. Durg, Chhattisgarh: In Kumhari where a bus of Kedia Distilleries carrying labourers met with an accident yesterday leading to the death of 12 people.

મળતી માહિતી મુજબ કુમ્હારી પોલીસ સ્ટેશન વિસ્તાર હેઠળના ખપરી ગામમાં મુરમની ખીણ છે. કુમ્હારી વિસ્તારમાં બનેલી કેડિયા ડિસ્ટિલરીઝની આ બસ હતી જે આ ઉદ્યોગના કામદારોને લઈ જતી હતી. આ બસમાં ઈન્ડસ્ટ્રીઝના ૩૦ કર્મચારીઓ હતા. આ બસ ખપરી ગામ નજીકથી પસાર થઈ રહી હતી ત્યારે બસ કાબૂ બહાર ગઈ હતી. થોડી જ વારમાં બસ ૪૦ ફૂટ ખીણમાં પડી ગઈ છે. બસ ખીણમાં પડ્યા બાદ સ્થાનિક લોકો તાત્કાલિક મદદ માટે દોડી આવ્યા હતા.

આ સમગ્ર મામલે સ્થાનિક લોકોએ તાત્કાલિક પોલીસને જાણ કરી હતી. પોલીસ તાત્કાલિક પહોંચી ગઈ હતી અને બચાવ કામગીરી શરૂ કરી હતી. ૪૦ ફૂટ નીચે પડી ગયેલી બસમાંથી લોકોને કોઈક રીતે બહાર કાઢવામાં આવ્યા હતા. ઘણી એમ્બ્યુલન્સ અને સ્થાનિક લોકો ઘટનાસ્થળે પહોંચી ગયા હતા. એક પછી એક બધાએ બસની અંદરથી તમામ ઘાયલ અને મૃતદેહોને બહાર કાઢ્યા હતા.

ઈજાગ્રસ્તોને તાત્કાલિક નજીકની હોસ્પિટલમાં સારવાર માટે લઈ જવામાં આવ્યા હતા.
પોલીસે જણાવ્યું કે, આ માર્ગ અકસ્માત મંગળવારે રાત્રે લગભગ ૮.૩૦ વાગ્યે થયો હતો. હાલમાં ઈજાગ્રસ્તની વ્યવસ્થિત સારવારની વ્યવસ્થા કરવામાં આવી છે અને મૃતકોની ઓળખ કરવામાં આવી રહી છે. હાલ પોલીસ અકસ્માત અંગે મૃતકના પરિજનોને માહિતી આપી રહી છે.