એક જ નામથી બની ૨ ફિલ્મો

મુંબઈ, બોલીવુડમાં મોટા ભાગે એવું જોવા મળે છે કે, જો કોઈ ફિલ્મ હિટ થઈ જાય તો મેકર્સ તે જ નામથી ફરી વાર ફિલ્મ બનાવી પહેલી ફિલ્મની સફળતાને બોક્સ ઓફિસ પર ફરી વાર રિપીટ કરવા માગે છે. જો કે, ઘણી વાર આ પ્રયોગ સફળ થાય છે, તો ઘણી વાર નિરાશા હાથમાં લાગે છે.

આવું જ કંઈક ૨૦૦૧માં આવેલી ફિલ્મ યાંદેની સાથે થયું હતું. આ જ નામ પર ૩૭ વર્ષ પહેલા પડદા પર એક બ્લેક એન્ડ વ્હાઈટ ફિલ્મ આવી હતી, જેના નામે સિનેમાના ઈતિહાસમાં સ્વર્ણ અક્ષરોએ લખાયેલું છે. આ ફિલ્મે નેશનલ ફિલ્મ એવોર્ડ જીતવાની સાથે સાથે પોતાના નામે વર્લ્ડ રેકોર્ડ પણ બનાવ્યો છે.

વર્ષ ૧૯૬૪માં સુનીલ દત્ત સ્ટારર ફિલ્મ યાદે આવી હતી. આ બ્લેક એન્ડ વ્હાઈટ ફિલ્મનું નિર્દેશન અને નિર્માણ સુનીલ દત્તે કર્યું હતું. આ ફિલ્મમાં નરગિસ દત્તની એક ઝલક જોવા મળી હતી. શોર્ટ રનિંગ ટાઈમના કારણે આ ફિલ્મે દર્શકો પર જબરદસ્ત પ્રભાવ પાડ્યો હતો.

આ ફિલ્મનું નામ ગિનીઝ બુક ઓફ વર્લ્ડ રેકોર્ડમાં નોઁધાયેલું છે. સુનીલ દત્તની યાદે ભારતીય સિનેમાના ઈતિહાસમાં એક જ એક્ટરવાલી આટલી લાંબી પહેલી ફિલ્મ હતી.

૩૭ વર્ષ બાદ સુભાષ ઘઈએ આ જ નામથી ફરી વાર ફિલ્મ બનાવવાનો નિર્ણય લીધો અને તેમણે પોતાની ફિલ્મમાં જૈકી શ્રોફ, ઋતિક રોશન અને કરીના કપૂરને કાસ્ટ કરી હતી.

સુભાષ ઘઈ ફિલ્મની શરુઆતમાં જૈકી શ્રોફ અને કરીના કપૂર સંગ ફિલ્મ બનાવવા માગતા હતા પણ ઋતિક રોશનની પોપુલેરિટીને જોતા તેમણે ફિલ્મની કહાનીમાં ફેરાફાર કરતા તેને એક પ્રેમ કહાનીનું સ્વરુપ આપી દીધું. સુભાષ ઘઈના નિર્દેશનમાં બનેલી આ ફિલ્મનું બોક્સ ઓફિસ પર ખરાબ હાલત થઈ ગઈ હતી. યાદે વર્ષ ૨૦૦૧ની સૌથી મોટી ફ્લોપ ફિલ્મોમાં સામેલ હતી.SS1MS