ઇઝરાયેલના હુમલામાં ગાઝામાં ૫૦નાં મોત

ગાઝા સ્ટ્રિપ, ઇઝરાયેલે ગાઝા પટ્ટીમાં ભારે હવાઇ હુમલો કરીને અનેક બાળકો સહિત ઓછામાં ઓછા ૫૦ લોકોને મારી નાખ્યા છે. આમાં હમાસના અનેક ટોચના નેતાઓને પણ નિશાન બનાવાયા છે. ઇઝરાયેલે જાહેર કરેલા માનવીય ઝોનમાં પણ હુમલા થયા છે.

જોકે જાણવાની વાત એ છે કે ઇઝરાયેલના વડાપ્રધાન બેન્જામિન નેતન્યાહૂની ઓફિસમાંથી એવી માહિતી બહાર આવી છે કે કતારમાં યુદ્ધવિરામની ડીલ પાર પાડવા માટે મોસાદ સહિતની સંસ્થાઓને મંજૂરી આપી છે. ઇઝરાયેલ મીડિયાએ જણાવ્યું છે કે યુદ્ધવિરામ માટે પ્રતિનિધિમંડળ કતાર જવા ઉપડશે. ઉલ્લેખનીય છે કે ૧૫ મહિનાના યુદ્ધ દરમિયાન આ ચર્ચા અનેક વખત અટકી છે.

ગાઝામાં અનેક સ્થળોએ ઇઝરાયેલે હુમલા કર્યા છે. જેમાં પોલીસકર્મીઓ સહિત ૫૦ લોકો મોતને ભેટ્યા છે. ઇઝરાયેલના લશ્કરે જણાવ્યું હતું કે ગાઝામાં આતંકીઓએ એક મિસાઇલ અને બે રોકેટ ઇઝરાયેલ તરફ છોડ્યું હતું. જોકે તેમાં કોઇને ઇજા નથી.

લશ્કરના હેલિકોપ્ટરને નિશાન બનાવીને મિસાઇલ છોડવામાં આવી હતી. જોકે તેને આંતરી લેવાઇ છે. એ પછી હમાસમાં ૪૦ જેટલા સ્થળોને નિશાન બનાવીને હુમલા કરવામાં આવ્યા હતા.SS1MS