કલકત્તામાં ભાજપ કાર્યાલય પાસે ૫૧ દેશી બોમ્બ મળતાં ખળભળાટ
કોલકતા, કલકત્તામાં ભાજપના કાર્યાલય નજીક દેશી બોમ્બ મળી આવ્યા છે. ખિદિરપુર ચાર રસ્તા નજીક એક બેગમાં ૫૧ જેટલા દેશી બોમ્બ મળ્યા છે. ઘટનાની જાણ થતાં પોલીસ અને બોમ્બ સ્કવૉડ પહોંચી ગઈ હતી. અને સમગ્ર મામલે તપાસની કામગીરી શરૂ કરી દેવાય છે. 54 crude bombs found near BJP office in Kolkata
આ અગાઉ વિધાનસભા ચૂંટણી દરમિયાન ત્રીજા તબક્કાના મતદાન પહેલા પોલીસને ૪૧ ક્રૂડ બોમ્બ મળ્યા હતા. આ બોમ્બ દક્ષિણ ૨૪ પરગનાના બરુઈપુર વિસ્તારમાંથી મળ્યા હતા. પોલીસે એક ઝાડ પાછળથી કબજે કર્યા હતા. આ ઘટના પહેલા જ ચૂંટણી સમયે અમિત શાહ, મમતા બેનર્જી અને તેના ભત્રીજા અભિષેક બેનર્જીએ રોડ શો કર્યો હતો.
ચૂંટણી દરમિયાન અનેક વખત બોમ્બ મળ્યા હતા. બંગાળમાં પહેલા તબક્કાના મતદાનના એક દિવસ અગાઉ ૨૬ માર્ચે પોલીસને ૨૬ ક્રૂડ બોમ્બ મળ્યા હતા. પોલીસે આ બોમ્બ કલકત્તાના બેનીપુકુરની સીઆઈટી રોડ પરથી એક ઈમારતના પાછળના ભાગમાંથી કબજે કર્યા હતા. આ સિવાય ૨૮ માર્ચના દિવસે પોલીસે ૫૬ જીવતા બોમ્બ કબજે કર્યા હતા. આ બોમ્બ નરેન્દ્રપુર વિસ્તારમાંથી મળ્યા હતા.
