પશ્ચિમ બંગાળમાં રેલવેના ૯૦ ડ્રાઇવર કોરોના સંક્રમિત

કોલકતા: રેલ્વે કર્મચારીઓ પણ કોરોનાની બીજી તરંગની પકડમાં આવી રહ્યા છે. આ કારણે ટ્રેનની કામગીરી ખરાબ રીતે પ્રભાવિત થઈ છે. પૂર્વી રેલ્વેએ મંગળવારે જણાવ્યું હતું કે કોરોના વાયરસથી ૯૦ ડ્રાઇવરો અને ગાર્ડ્‌સને ચેપ લાગ્યાં બાદ તેણે સીલદાહ વિભાગની ૫૬ સ્થાનિક ટ્રેનોને રદ કરી છે.

પૂર્વ રેલ્વેના પ્રવક્તા એકલવ્ય ચક્રવર્તીએ કહ્યું કે, પરિસ્થિતિ ખૂબ ગંભીર છે. કોરોનાને કારણે ૯૦ ડ્રાઈવરો અને ગાર્ડ ફરજ પર જવા માટે અસમર્થ છે. માલગાડીઓ અને એક્સપ્રેસ ટ્રેનોની સેવાઓને અસર ન પડે તે માટે અમારે ૫૬ સ્થાનિક ટ્રેનોને રદ કરવી પડી છે. હાવડા ડિવિઝનની ટ્રેનો રદ કરવા અંગે કોઇ ર્નિણય લેવામાં આવ્યો નથી.

તેમણે કહ્યું, જ્યાં સુધી શક્ય હોય ત્યાં સુધી, ‘નોન પીક અવર’ ની ટ્રેનો (એક સમયે ઓછા ભીડ હોય ત્યારે) રદ કરવામાં આવી છે જેથી મુસાફરોને ઓછામાં ઓછી તકલીફ પડે. પશ્ચિમ બંગાળમાં, કોરોનાને કારણે સાત મહિનાથી વધુ સમય માટે બંધ રાખ્યા પછી, ૧૧ નવેમ્બર, ૨૦૨૦ માં, સ્થાનિક ટ્રેન સેવા પુનઃકાર્યરત કરવામાં આવી હતી.