આંતકવાદીઓ સામે કાર્યવાહી ના કરતા પાકિસ્તાનને ફરી એકવાર FATA એ ગ્રે લિસ્ટમાં રાખ્યુ

નવીદિલ્હી: હાફિઝ સઈદ અને મસૂદ અઝહર જેવા આતંકવાદીઓને રાખવા માટે પાકિસ્તાનને ખૂબ ખર્ચ કરવો પડે છે. ફાઇનાન્સિયલ એક્શન ટાસ્ક ફોર્સ (એફએટીએફ) એ આ આતંકવાદીઓ સામે કાર્યવાહી નહીં કરવા બદલ પાકિસ્તાનને ફરી એકવાર ગ્રે લિસ્ટમાં જાળવી રાખ્યું છે. આની જાહેરાત કરતા એફએટીએફના પ્રમુખ માર્કસ પ્લેઅરે કહ્યું કે પાકિસ્તાન યુએન-લિસ્ટેડ આતંકવાદીઓ વિરુદ્ધ હાફિઝ સઈદ, મસૂદ અઝહર સામે કાર્યવાહી કરવામાં નિષ્ફળ ગયું છે અને તેથી તેને ગ્રે વાઈટમાં જાળવી રાખવામાં આવ્યો છે.

એફએટીએફ એ એમ પણ કહ્યું છે કે પાકિસ્તાન સરકાર મની લોન્ડરિંગ અને આતંકવાદી ભંડોળના જાેખમને રોકવામાં નિષ્ફળ ગઈ છે. એફએટીએફએ જણાવ્યું હતું કે પાકિસ્તાને ૨૭ પોઇન્ટની એક્શન પ્લાનના ૨૬ મુદ્દાઓ પર કામ કર્યું હતું, પરંતુ યુએન-લિસ્ટેડ આતંકવાદી જૂથોના મોટા આતંકવાદીઓની તપાસ અને સજા, જેવા મહત્વના મુદ્દા પર તેને હજી કામ કરવાની જરૂર છે. આને કારણે, પાકિસ્તાનને હાલમાં કડક દેખરેખ હેઠળ રાખવામાં આવ્યું છે.

જૈશ-એ-મોહમ્મદના વડા અઝહર મસૂદ, લશ્કર-એ-તૈયબાના સ્થાપક અને તેના ઓપરેશનલ કમાન્ડર જાકીઅર રહેમાન લખવી, જમાત-ઉદ-દાવાના વડા હાફિઝ સઇદ જેવા આતંકવાદીઓને હજી પણ પાકિસ્તાનમાં વીઆઇપી સારવાર આપવામાં આવી રહી છે.

આ ત્રણ મોટા આતંકવાદીઓ સંયુક્ત રાષ્ટ્ર દ્વારા જાહેર કરાયેલા આતંકવાદીઓની યાદીમાં તો છે સાથે તેઓ ભારતમાં પણ મોસ્ટ વોન્ટેડ છે. આ આતંકવાદીઓ મુંબઇ હુમલા સહિત જમ્મુ-કાશ્મીર અને દેશના ઘણા રાજ્યોમાં હુમલાઓમાં સામેલ હતા.