વડાપ્રધાન પદ માટે મમતા બેનર્જી જ સૌથી મજબુત દાવેદાર: બાબુલ સુપ્રિયો
કોલકતા, એક વખત રાજકારણમાંથી નિવૃત્તિ લેવાની વાત કરનાર બાબુલ સુપ્રિયો ફરી એક વખત તૃણમૂલ કોંગ્રેસમાં જાેડાયા છે. મુખ્યમંત્રી મમતા બેનર્જીના ભત્રીજા અભિષેક બેનર્જીને ૧૮ સપ્ટેમ્બરે પાર્ટીના સભ્યપદ મેળવ્યુ. તૃણમૂલ કોંગ્રેસમાં જાેડાયા બાદ બાબુલ સુપ્રિયોનો સ્વર બદલાઈ ગયો છે. સુપ્રિયોએ ભારતીય જનતા પાર્ટી છોડતાની સાથે જ બંગાળના મુખ્યમંત્રી મમતા બેનર્જીના વખાણ કરવાનું શરૂ કરી દીધું છે. આજે તેઓ મમતા બેનર્જીને પણ મળ્યા હતાં. આ બેઠક પહેલા તેમણે મમતાને ૨૦૨૪ની લોકસભા ચૂંટણીમાં વડાપ્રધાન પદના ઉમેદવાર ગણાવ્યા હતા.
ટીએમસીમાં જાેડાયા બાદ તરત જ બાબુલ સુપ્રિયોએ કહ્યું કે મમતા બેનર્જી ૨૦૨૪ની લોકસભા ચૂંટણીમાં વડાપ્રધાન પદ માટે સૌથી મજબૂત ઉમેદવાર છે. તેમણે કહ્યું કે હું ઈચ્છું છું કે મમતા દીદી ૨૦૨૪ માં વડાપ્રધાન બને. તેમણે કહ્યું કે મમતા બેનર્જી આ સમયે વિપક્ષના સૌથી મજબૂત ઉમેદવાર છે.
તમને જણાવી દઈએ કે અગાઉ ટીએમસીના મુખપત્ર જાગો બાંગ્લામાં મમતા બેનર્જીને વડાપ્રધાન પદના ઉમેદવાર તરીકે પણ વર્ણવવામાં આવ્યા હતા. તૃણમૂલ કોંગ્રેસમાં પરત ફરવા બાબતે બાબુલ સુપ્રિયોએ ન તો કહ્યું કે તે આવું કરનાર પ્રથમ વ્યક્તિ નથી, ન તો તે કોઈ ઈતિહાસ રચી રહ્યો છે. તેમણે કહ્યું કે બંગાળના લોકો મમતા દીદીને પસંદ કરે છે, હું ટીમના ૧૧ ખેલાડીઓમાં સામેલ થવા માંગતો હતો, જે મને તૃણમૂલ કોંગ્રેસે આપ્યો હતો.
તેમણે કહ્યું કે બહારની ઘણી પાર્ટીઓના નેતાઓ પણ ભારતીય જનતા પાર્ટીમાં જાેડાયા, પાર્ટીના જૂના નેતાઓ વચ્ચે અસંતોષ છે. ઉલ્લેખનીય છે કે, કેન્દ્રીય મંત્રી પરિષદમાં ફેરબદલ બાદ મંત્રીમંડળમાંથી હટાવ્યા બાદ ભાજપના સાંસદ બાબુલ સુપ્રિયો નારાજ ચાલી રહ્યા હતા. તેમની નારાજગી સમયાંતરે દેખાતી હતી, ત્યારબાદ શનિવારે તેમણે ટીએમસીમાં જાેડાઈને બધાને ચોંકાવી દીધા છે.HS
