સ્નિફર ડોગ એરપોર્ટ પર મુસાફરોમાં કોવિડના દર્દીઓ શોધી શકશે

નવી દિલ્હી, ટ્રેઈની સ્નિફર ડોગ્સ એરપોર્ટ પર હવાઈ મુસાફરી વચ્ચે કોવિડ-19 વાયરસથી સંક્રમિત વ્યક્તિને શોધી શકશે. એક શોધ રિપોર્ટમાં એ દાવો કરવામાં આવ્યો છે.

રિપોર્ટમાં જણાવ્યા અનુસાર ટ્રેઈની સ્નિફર ડોગ્સ, સાર્સ-સીઓવી-2 થી સંક્રમિત હવાઈ મુસાફરને યોગ્ય રીતે શોધી શકે છે. કોવિડ સંક્રમિતોને શોધવાની આ મહત્વપૂર્ણ રીત છે. કેમ કે આ ના માત્ર સંક્રમણની શરૂઆતી અવસ્થામાં બીમારીની જાણકારી મેળવવામાં કારગર છે પરંતુ મહામારીને કાબૂ કરવામાં પણ પ્રભાવી છે.

અભ્યાસની એક વધુ મહત્વની શોધ એ છે કે આ શ્વાન કોરોનાના અલ્ફા વેરિઅન્ટને યોગ્ય રીતે ઓળખવામાં ઓછા સફળ રહ્યા કેમ કે તેમને કોરોનાના મૂળરૂપ શોધવા માટે ટ્રેઈન કરાયા હતા.

આનાથી સાબિત થાય છે કે શ્વાન વિભિન્ન પ્રકારની ગંધનુ અંતર ઓળખવામાં કેટલા સક્ષમ છે. શ્વાનના શરીરમાં થનારી વિભિન્ન મેટાબોલિક પ્રક્રિયાઓ દરમિયાન નીકળનારા અલગ-અલગ ઓર્ગેનિક સંયોજનની જાણકારી મેળવવામાં સક્ષમ હોય છે, જેમાં બેક્ટેરિયા, વાયરલ અને પરજીવી સંક્રમણથી ઉત્પન્ન થનારા સંયોજન સામેલ છે.

હેલસિંકી યુનિવર્સિટી અને ફિનલેન્ડના હેલસિંકી યુનિવર્સિટી હોસ્પિટલના સંશોધનકર્તાઓએ 2020માં SARS-CoV-2ને સૂંઘવા માટે ચાર શ્વાનને ટ્રેઈનિંગ આપવામાં આવી હતી. જેમાંથી પ્રત્યેક શ્વાનને પહેલા માદક પદાર્થો કે ખતરનાક વસ્તુઓ અથવા કેન્સરની ઓળખનુ પ્રશિક્ષણ આપવામાં આવી ચૂક્યુ હતુ.

આ શ્વાનના પ્રશિક્ષણ માટે 420 સ્વયંસેવકોએ પ્રત્યેક શ્વાનને પોતાની ત્વચા સ્વાબના સેમ્પલ આપવામાં આવ્યા હતા. આ ચાર શ્વાનને પ્રત્યેક સ્વયંસેવકોમાંથી 114ની ત્વચાના સેમ્પલને સૂંઘ્યા અને પીસીઆર સ્વાબ પરીક્ષણમાં સોર્સ-કોવ-2 પોઝીટીવ આવ્યા, જ્યારે 306 નેગેટીવ આવ્યા.

કોરોના ટેસ્ટ માટે પ્રત્યેક શ્વાનને સાત ટેસ્ટ સત્રમાં અલગ-અલગ સેમ્પલ સૂંઘાડવામાં આવ્યા હતા. એટલુ જ નહીં આ શ્વાન દ્વારા કરવામાં આવેલા કોરોના ટેસ્ટના પોઝીટીવ કેસની સટીકતા 92 ટકા રહી જ્યારે નેગેટીવ કેસની સટીકતા 91 ટકા રહી.

સપ્ટેમ્બર 2020થી એપ્રિલ 2021ની વચ્ચે ફિનલેન્ડના હેલસિંકી-વેન્ટા આંતરરાષ્ટ્રીય એરપોર્ટ પર આવનારા 303 મુસાફરને સૂંઘવા માટે ચાર શ્વાનને તૈનાત કરવામાં આવ્યા હતા. પ્રત્યેક મુસાફરનુ એક પીસીઆર સ્વાબ ટેસ્ટ પણ કરવામાં આવ્યો અને આને સ્નિફર ડોગના ટેસ્ટના પરિણામ સાથે સરખાવાયુ. આ પ્રકારે કરવામાં આવેલા ટેસ્ટમાં સ્નિફરના 296 પરિણામ સમાન રહ્યા.