ઘઉંની નિકાસ પરનો પ્રતિબંધ હાલ હટાવાશે નહીં

નવીદિલ્હી, ઘઉંની નિકાસ પરનો પ્રતિબંધ હાલ હટાવવાનો નથી.વર્લ્‌ડ ઈકોનોમિક ફોરમમાં ભાગ લેવા દાવોસ પહોંચેલા વાણિજ્ય અને ઉદ્યોગ મંત્રી પીયૂષ ગોયલે એક અલગ ઈન્ટરવ્યુમાં આ વાત સ્પષ્ટ કરી હતી. ઉદ્યોગ મંત્રી પીયૂષ ગોયલે રોઇટર્સ એજન્સીને જણાવ્યું કે અત્યારે વિશ્વમાં અસ્થિરતાનો સમય ચાલી રહ્યો છે.

જાે આ સ્થિતિમાં આપણે નિકાસ પ્રતિબંધ હટાવીશું તો તે કાળાબજાર કરનારા, સંગ્રહખોરો અને સટોડિયાઓ માટે ફાયદાકારક રહેશે. આ ન તો જરૂરિયાતમંદ દેશોના હિતમાં હશે અને ન તો તે ગરીબ લોકોની મદદ કરી શકશે.

પિયુષ ગોયલે કહ્યું કે આને ટાળવાનો સ્માર્ટ રસ્તો એ છે કે માત્ર સરકારી માર્ગ (જીટુજી) દ્વારા નિકાસ કરવી. આ રીતે અમે જરૂરિયાતમંદ અને ગરીબ લોકોને સસ્તા ઘઉં ઉપલબ્ધ કરાવી શકીશું. ગોયલે કહ્યું કે તેણે ભારતના ર્નિણયનો અર્થ સમજાવવા માટે વર્લ્‌ડ ટ્રેડ ઓર્ગેનાઈઝેશન (ડબ્લ્યુટીઓ) અને ઈન્ટરનેશનલ મોનેટરી ફંડ (આઇએમએફ) સાથે પણ સંપર્ક કર્યો હતો.

ઈન્ટરનેશનલ મોનેટરી ફંડના વડા ક્રિસ્ટાલિના જ્યોર્જિવાએ વર્લ્‌ડ ઈકોનોમિક ફોરમ દરમિયાન કહ્યું હતું કે ઘઉંની નિકાસ પર ભારતના પ્રતિબંધની ટીકા કરવામાં આવી હતી.

તેમણે કહ્યું હતું કે અન્ય દેશો પણ આ કરી શકે છે, જેના કારણે વૈશ્વિક સમુદાય આ સંકટનો સામનો કરવા તૈયાર નહીં થાય. તેમણે ભારતને આ ર્નિણય પર વહેલી તકે પુનર્વિચાર કરવા જણાવ્યું હતું. તે જ સમયે, જી ૭ દેશોના કૃષિ પ્રધાનોએ ઘઉંની નિકાસ પર પ્રતિબંધ મૂકવાના ભારતના પગલાની પણ ટીકા કરી છે.

ભારત વિશ્વનો બીજાે સૌથી મોટો ઘઉં ઉત્પાદક દેશ છે. રુસો-યુક્રેન યુદ્ધના કારણે ઘઉં પર વિશ્વની ર્નિભરતા ભારત પર વધી છે. વૈશ્વિક બજારોમાં અસ્થિરતા, ઘઉંના ભાવ રેકોર્ડ સ્તરે પહોંચવા, ફુગાવાને નિયંત્રણમાં રાખવા અને ગરમીના મોજા વચ્ચે દેશમાં ઘઉંના ઉત્પાદનને અસર થવાને કારણે સરકારે ૧૪ મેના રોજ તાત્કાલિક અસરથી ખાદ્ય સુરક્ષા સુનિશ્ચિત કરવાનો ર્નિણય લીધો છે. તેની નિકાસ પર પ્રતિબંધ મૂકવામાં આવ્યો હતો. .HS1