શિલ્પા શિરોડકરને ભારે શરીરના લીધે ઘણા રિજેક્શનનો સામનો કરવો પડ્યો

મુંબઈ, ગોવિંદાની તે હીરોઈન જેણે પોતાના સમયમાં આવી ઘણી ફિલ્મોમાં કામ કર્યું હતું જેને ખૂબ પસંદ કરવામાં આવી હતી. તે લોકોની ફેવરિટ રહી છે, પરંતુ અચાનક તે ઈન્ડસ્ટ્રીમાંથી ગાયબ થઈ ગઈ.

માત્ર ગોવિંદા જ નહીં, આ સુંદર અભિનેત્રીએ અનિલ કપૂર અને અમિતાભ બચ્ચન સાથે પણ કામ કર્યું છે. આ અભિનેત્રીએ પોતાના કરિયરમાં ઘણી હિટ ફિલ્મો આપી છે. ઈન્ડસ્ટ્રીની તે ફેમસ એક્ટ્રેસ બીજું કોઈ નહીં પણ શિલ્પા શિરોડકર છે.

અભિનેત્રીએ ૧૯૮૯માં રમેશ સિપ્પીની ફિલ્મ ભ્રષ્ટાચારથી પોતાની કારકિર્દીની શરૂઆત કરી હતી. આ ફિલ્મમાં તે મિથુન ચક્રવર્તી અને રેખા સાથે કામ કરતી જોવા મળી હતી. તેણે પોતાની પ્રથમ ફિલ્મમાં કામ કર્યા બાદ પોતાની અલગ ઓળખ બનાવી હતી.

શિલ્પાએ ૧૯૯૦માં આવેલી ફિલ્મ ‘કિશન કન્હૈયા’માં અનિલ કપૂર સાથે કામ કર્યું હતું. આ ફિલ્મમાં તે અનિલ કપૂરની પત્નીના રોલમાં જોવા મળી હતી.

આ ફિલ્મમાં તેના દ્વારા ભજવવામાં આવેલ આદર્શ પુત્રવધૂનું પાત્ર લોકોને ખૂબ જ પસંદ આવ્યું હતું. અનિલ કપૂર સિવાય શિલ્પાએ પોતાના કરિયરમાં ઘણા મોટા સ્ટાર્સ સાથે કામ કર્યું હતું. ૧૯૯૩માં રિલીઝ થયેલી ગોવિંદા અને ચંકી પાંડેની ફિલ્મ ‘આંખે’ લોકો આજે પણ જોવાનું પસંદ કરે છે. આ ફિલ્મમાં શિલ્પાએ ચંદ્રમુખીનો રોલ કર્યો હતો. આ ફિલ્મમાં ગોવિંદાની સાથે શિલ્પા શિરોડકર જોવા મળી હતી.

ફિલ્મમાં ગોવિંદા અને શિલ્પાની કેમેસ્ટ્રીને પણ ખૂબ પસંદ કરવામાં આવી હતી. આ ફિલ્મના ગીતો પણ ખૂબ જ હિટ રહ્યા હતા. શિલ્પા શિરોડકરે તેની એક દાયકાથી વધુની અભિનય કારકિર્દીમાં ઘણી ફિલ્મોમાં કામ કર્યું, જેમાં ‘ત્રિનેત્ર’ (૧૯૯૧), ‘હમ’ (૧૯૯૧), ‘ખુદા ગવાહ’ (૧૯૯૨), ‘આંખે’ (૧૯૯૩), ‘પહેચાન’ (૧૯૯૩), ‘ગોપી કિશન’ (૧૯૯૪), ‘બેવફા સનમ’ (૧૯૯૫), મૃત્યુદંડ (૧૯૯૭) જેવી ફિલ્મ્સ સામેલ છે.

કારકિર્દીની ટોચ પર શિલ્પા શિરોડકરે લગ્ન કરી લીધા અને લગ્ન પછી શિલ્પાએ બોલિવૂડને હંમેશા માટે અલવિદા કહી દીધું. તે છેલ્લે ૨૨ વર્ષ પહેલા એટલે કે વર્ષ ૨૦૦૦માં રિલીઝ થયેલી ફિલ્મ ગજ ગામીનીમાં જોવા મળી હતી. શિલ્પા શિરોડકરને તેની કારકિર્દીમાં ઘણા રિજેક્શનનો સામનો પણ કરવો પડ્યો છે.

અભિનેત્રીએ ઇટાઇમ્સ સાથે વાત કરતી વખતે જણાવ્યું કે ફિલ્મ ‘દિલ સે’નું લોકપ્રિય ગીત ‘છૈયાં છૈયાં’ તેને અગાઉ ઓફર કરવામાં આવ્યું હતું, પરંતુ ફરાહ ખાને તેને માત્ર એટલા માટે રિજેક્ટ કરી કે તે આ ગીતમાં પાતળી છોકરીને કાસ્ટ કરવા માંગતી હતી, ત્યારબાદ આ ગીત મલાઈકા અરોરાને ઓફર કરવામાં આવ્યું હતું.

૧૫ વર્ષ ફિલ્મોથી દૂર રહ્યા બાદ શિલ્પા શિરોડકરે ૨૦૧૩માં ટીવી સીરિયલ ‘એક મુઠ્ઠી આસમાન’થી કમબેક કર્યું હતું. આ શો અને આ શોમાં તેનું પાત્ર ખૂબ જ ગમ્યું હતું, પરંતુ આ શો પછી પણ શિલ્પા ક્યાંય જોવા મળી ન હતી.SS1MS