પાકિસ્તાનમાં ૭૨ વર્ષિય વ્યક્તિ, ૧૨ વર્ષની છોકરીના લગ્ન કરાવાતા પોલીસે પકડ્યા

પિતાએ તેને ૫ લાખમાં વેચી દીધી, પોલીસે તેને બચાવી

ખૈબર પખ્તુનખ્વા પ્રાંતના પેશાવરમાં પોલીસે ૧૨ વર્ષની છોકરી સાથે લગ્ન કરવાનો પ્રયાસ કરવા બદલ ૭૨ વર્ષના એક વ્યક્તિની ધરપકડ કરી છે

નવી દિલ્હી,પાકિસ્તાનમાં એક ચોંકાવનારો કિસ્સો સામે આવ્યો છે, જેમાં એક ૭૨ વર્ષીય વ્યક્તિ ૧૨ વર્ષની છોકરી સાથે લગ્ન કરવા જઈ રહ્યો હતો. જોકે, પોલીસે કોઈક રીતે વ્યક્તિને આ કામગીરી કરતા અટકાવ્યો હતો. ચોંકાવનારી વાત એ છે કે સગીર બાળકીને તેના પિતાએ ૫ લાખમાં વેચી દીધી હતી.પાકિસ્તાન મીડિયા આઉટલેટ એક્સપ્રેસ ટ્રિબ્યુન અનુસાર, ખૈબર પખ્તુનખ્વા પ્રાંતના પેશાવરમાં પોલીસે ૧૨ વર્ષની છોકરી સાથે લગ્ન કરવાનો પ્રયાસ કરવા બદલ ૭૨ વર્ષના એક વ્યક્તિની ધરપકડ કરી છે.

લગ્ન થાય તે પહેલા જ અધિકારીઓએ આ મામલે દરમિયાનગીરી કરી હતી. બાળકીના પિતા આલમ સૈયદ પર આરોપ છે કે તેણે પોતાની પુત્રીને ૭૨ વર્ષીય વર હબીબ ખાનને ૫ લાખ પાકિસ્તાની રૂપિયામાં વેચી દીધી હતી.પોલીસે હબીબ ખાનની ધરપકડ કરી છે. પરંતુ બાળકીના પિતા નાસી જવામાં સફળ રહ્યા હતા. ૭૨ વર્ષના આરોપી અને છોકરીના પિતા બંને વિરુદ્ધ બાળ લગ્ન પ્રતિબંધ કાયદા હેઠળ કેસ નોંધવામાં આવ્યો છે.

આ વ્યવસ્થામાં સામેલ મેરેજ રજિસ્ટ્રારની પણ ધરપકડ કરવામાં આવી છે.તમને જણાવી દઈએ કે પાકિસ્તાનમાં બાળ લગ્નનો દર વિશ્વમાં સૌથી વધુ છે. અહીં અંદાજિત ૩૦ ટકા છોકરીઓના લગ્ન ૧૮ વર્ષની ઉંમર પહેલા થઈ જાય છે. લગ્નની કાનૂની ઉંમર પણ ૧૬ વર્ષ છે, પરંતુ તેનો અમલ એક પડકાર છે. બ્રિટિશ યુગનો બાળ લગ્ન પ્રતિબંધ કાયદો લગ્ન માટે લઘુત્તમ વય નિર્ધારિત કરે છે, પરંતુ વધુમાં વધુ એક મહિનાની કેદ અને રૂ. ૧,૦૦૦નો દંડ નક્કી કરે છે, જે અપરાધીઓને રોકવા માટે અપૂરતી માનવામાં આવે છે.

ખૈબર પખ્તુનખ્વા, પ્રાંત કે જ્યાં લગ્નનો પ્રયાસ કરવામાં આવ્યો હતો, તે એવા બે પ્રાંતોમાંનો એક છે કે જેણે બાળ લગ્નનો સામનો કરવા માટે મજબૂત કાયદા ઘડ્યા નથી. યુનિસેફ અનુસાર, પાકિસ્તાનમાં લગભગ ૧૯ મિલિયન છોકરીઓના લગ્ન ૧૮ વર્ષની ઉંમર પહેલા થઈ જાય છે. તે જ સમયે, ૪૬ લાખ છોકરીઓના લગ્ન ૧૬ વર્ષની ઉંમર પહેલા થઈ જાય છે.ss1