કેનેડાએ ઈરાનની સૌથી ખતરનાક સેનાને આતંકી સંગઠન જાહેર કર્યું
નવી દિલ્હી, કેનેડાએ ઈરાનના ઈસ્લામિક રિવોલ્યુશનરી ગાર્ડ કોર્પ્સને આતંકવાદી સંગઠન જાહેર કર્યું છે. આ સાથે તેના નાગરિકોને વહેલી તકે ઈરાન છોડવા વિનંતી કરવામાં આવી છે.
કેનેડાના વડાપ્રધાન જસ્ટિન ટ્›ડોએ કહ્યું કે આઈઆરજીસી હવે કેનેડામાં આતંકવાદી જૂથોની યાદીમાં સામેલ થઈ ગયું છે.આ નિર્ણયની જાહેરાત કરતા જસ્ટિન ટ્›ડોની કેનેડા સરકારે કહ્યું કે આ પગલું ટેરર ફંડિંગ રોકવામાં મદદ કરશે.
કેનેડાની સરકારે એક નિવેદનમાં કહ્યું કે આતંકવાદી યાદીમાં આઈઆરજીસીના સમાવેશથી એક મજબૂત સંદેશ ગયો છે કે કેનેડા આઈઆરજીસીની તમામ આતંકવાદી પ્રવૃત્તિઓનો સામનો કરવા માટે તમામ શક્ય પ્રયાસો કરશે. જો કે કેનેડાના પગલા અંગે ઈરાને હજુ સુધી કોઈ ટિપ્પણી કરી નથી.
વર્ષાેથી કેનેડાની વિપક્ષી કન્ઝર્વેટિવ પાર્ટી વડાપ્રધાન ટ્રુડોને આઈઆરજીસીને બ્લેકલિસ્ટ કરવા માટે વિનંતી કરી રહી છે. કેનેડાના પબ્લિક સેફ્ટી મિનિસ્ટર ડોમિનિક લેબ્લેન્કે બુધવારે કહ્યું કે આ નિર્ણય પાછળ ઈરાનનો માનવાધિકાર રેકોર્ડ મુખ્ય કારણ છે. તેમણે નિવેદનમાં કહ્યું કે ઈરાન સરકાર દેશની અંદર અને બહાર માનવાધિકારોનો સતત ભંગ કરી રહી છે.
આઈઆરજીસી, જેને સિપાહ-એ-પાસદારન તરીકે પણ ઓળખવામાં આવે છે, તેની સ્થાપના ઇસ્લામિક ક્રાંતિ પછી તરત જ કરવામાં આવી હતી. તે સમયે તે એક નાની સૈન્ય હતી, જેમાં પરંપરાગત લડવૈયાઓ નહીં, પરંતુ દેશમાં ઇસ્લામિક ક્રાંતિ ઇચ્છતા લોકો સામેલ હતા. આ પહેલા ઈરાન ખૂબ જ આધુનિક દેશ હતો. પરંતુ આવી સ્થિતિમાં ઇસ્લામિક કાયદાઓનો ઘણો વિરોધ થયો હતો.
આઈઆરજીસીનો ઉદ્દેશ્ય આ વિરોધને ખતમ કરવાનો હતો. બાદમાં આ જૂથને ઈરાની કાયદામાં કાયદેસર તરીકે સ્વીકારવામાં આવ્યું હતું. તેને એટલી સત્તા પણ આપવામાં આવી હતી કે તે રાજકીય અને આર્થિક બાબતોમાં દખલ કરી શકે.તે અન્ય કોઈ દેશની પરંપરાગત સેના જેવું નથી, પરંતુ તે ઈરાનનું વિશેષ વૈકલ્પિક બળ છે.
આર્મી ચીફનો દાવો છે કે તેમની પાસે એક લાખ ૯૦ હજાર સક્રિય સૈનિકો છે, જે જમીન, સમુદ્ર અને હવામાં કામ કરે છે. તે ઈરાનના સર્વાેચ્ચ નેતા આયાતુલ્લા અલી ખામેનીને સીધો અહેવાલ આપે છે. દળની તાકાતનો અંદાજ એ વાત પરથી લગાવી શકાય છે કે તે ઈરાનની બેલેસ્ટિક મિસાઈલ અને પરમાણુ કાર્યક્રમો પણ ચલાવે છે.
‘ઈસ્લામિક રિવોલ્યુશનરી ગાર્ડ કોર્પ્સ’ ધાર્મિક, રાજકીય અને આર્થિક મોરચે ઈરાન માટે લડતી સેના છે. તે ઘરેલું કટોકટી તેમજ વિદેશી જોખમોના કિસ્સામાં ઇસ્લામિક રાષ્ટ્રના હિતોનું રક્ષણ કરે છે. બ્રિટન અને યુરોપિયન યુનિયન ઈરાનના આ વિશેષ દળને ટૂંક સમયમાં આતંકવાદી સંગઠન જાહેર કરવાની તૈયારી કરી રહ્યા છે.SS1MS
