ડુપ્લીકેટ ચલણી નોટ સાથે આ પાર્ટીના નેતા સહિત 10 ઝડપાયા
એક લાખ ૧૦ હજાર ભારતીય રૂપિયા, ત્રણ હજાર નેપાળી રૂપિયા, ૧૦ ગેરકાયદેસર પિસ્તોલ, ૩૦ કારતૂસ, ૧૨ ફાયર શેલ, ચાર સૂતળી બોમ્બ, ૧૩ મોબાઈલ ફોન, ૨૬ સિમ કાર્ડ, ૧૦ નકલી આધાર કાર્ડ મળી આવ્યા હતા.
(એજન્સી)લખનૌ, ઉત્તર પ્રદેશના કુશીનગરમાં નકલી નોટોનો વેપાર કરતી આંતરરાષ્ટ્રીય ગેંગનો પર્દાફાશ થયો છે. પોલીસે આ ગેંગના ૧૦ લોકોની ધરપકડ કરી છે. જેમાં સમાજવાદી પાર્ટીના લોહિયા વાહિનીના રાષ્ટ્રીય સચિવ રફી ખાન ઉર્ફે બબલુ ગેંગની પણ ધરપકડ કરવામાં આવી છે.
આરોપી સપા નેતા આખી ગેંગનો માસ્ટર માઈન્ડ હોવાનું કહેવાય છે. તેમની પાસેથી ૫.૬૨ લાખ રૂપિયાની નકલી નોટો, ગેરકાયદેસર પિસ્તોલ અને કારતુસ પણ મળી આવ્યા છે. રફી ખાને નેપાળ-યુપી-બિહાર અને સરહદી વિસ્તારોમાં નકલી નોટોનો ધંધો કર્યો હતો.
પોલીસે આ ગેંગના ૧૦ લોકોની ધરપકડ કરી છે. તેમની ઓળખ શેખ જમાલુદ્દીન, નિયાઝુદ્દીન ઉર્ફે મુન્ના, રેહાન ખાન ઉર્ફે સદ્દામ, ઔરંગઝેબ, મોહમ્મદ રફી, નૌશાદ ખાન, પરવેઝ ઇલાહી ઉર્ફે કૌસર આફ્રિદી, મોહમ્મદ રફીક ઉર્ફે બબલુ ખાન, હાશિમ ખાન અને સિરાજ હાશમતી તરીકે કરવામાં આવી છે. આ કેસમાં હજુ ચાર આરોપીઓ ફરાર છે. તેમની ઓળખ બિહારના સિવાનના રહેવાસી જિતેન્દ્ર યાદવ અને ગોપાલગંજના મનીષ કુમાર અને કમરુદ્દીન તરીકે થઈ છે.
નકલી નોટો ઉપરાંત એક લાખ ૧૦ હજાર ભારતીય રૂપિયા, ત્રણ હજાર નેપાળી રૂપિયા, ૧૦ ગેરકાયદેસર પિસ્તોલ, ૩૦ કારતૂસ, ૧૨ ફાયર શેલ, ચાર સૂતળી બોમ્બ, ૧૩ મોબાઈલ ફોન, ૨૬ સિમ કાર્ડ, ૧૦ નકલી આધાર કાર્ડ મળી આવ્યા હતા. આરોપીઓ પાસેથી ૧૦ એટીએમ કાર્ડ, આઠ લેપટોપ અને બે લક્ઝરી વાહનો મળી આવ્યા છે. ગેંગના સભ્યો નકલી નોટો અસલી નોટો સાથે ભેળવીને બજારમાં ફરતા કરતા હતા. ધરપકડ કરાયેલા છ ગુનેગારો સામે અગાઉથી જ ગુના નોંધાયેલા છે.
Kushinagar, Uttar Pradesh | An encounter between Police and a gang dealing in fake currency notes broke out in Bintolia village. One member of the gang, Mustakeem – with a reward of Rs 25,000 on his head, injured in the encounter. Fake currency notes with face value of Rs 30,000 and Rs 10,000 cash recovered from him. One country-made pistol and bullets also recovered. 10 people of the gang have already been arrested.
