‘સ્પિરિટ’નું શૂટિંગ ચાલતું હશે ત્યારે પ્રભાસ અન્ય પ્રોજેક્ટ નહીં કરે

મુંબઈ, સંદીપ રેડ્ડી વાંગા હાલ તેની આગામી ફિલ્મ ‘સ્પિરિટ’ની સ્ક્રિપ્ટ પર કામ કરી રહ્યો છે, જેમાં પ્રભાસ લીડ રોલમાં છે. ફિલ્મનું શૂટિંગ ૨૦૨૫ની શરૂઆતમાં શરૂ થશે.

પહેલાં વાંગાનો વિચાર આ ફિલ્મનું શૂટ ઓક્ટોબર ૨૦૨૪માં શરૂ કરી દેવાનો હતો, પરંતુ એક ખાસ કારણસર તેણે શૂટ આવતા વર્ષ કરવાનું નક્કી કર્યું છે. વાંગાની ઈચ્છા છે કે, ‘સ્પિરિટ’નું શૂટિંગ ચાલતું હોય ત્યારે પ્રભાસ અન્ય કોઈ પ્રોજેક્ટ પર કામ ના કરે અને બધું ધ્યાન ‘સ્પિરિટ’ પર જ આપે. આ સાથે વાંગાએ પોતાની કેટલીક માગણી પણ પ્રભાસને જણાવી હતી.

પ્રભાસે વાંગાની આ સ્પેશિયલ ડીમાન્ડ પૂરી કરવા ખાતરી આપી હોવાનું કહેવાય છે. સંદીપ રેડ્ડી વાંગાએ પોતાની આ ફિલ્મ માટે પ્રભાસનો એક અલગ પ્રકારનો લૂક નક્કી કર્યો છે. સાથે તે નથી ઇચ્છતો કે, પ્રભાસ જ્યારે તેની ફિલ્મ માટે કામ કરતો હોય ત્યારે બીજી કોઈ ફિલ્મમાં ધ્યાન આપે. તેને પ્રભાસનું બધું જ ધ્યાન પોતાની ફિલ્મ પર જોઈએ છે.

તેથી વાંગાની આ ડિમાન્ડને ધ્યાનમાં લઇને પ્રભાસે ‘સ્પિરિટ’નું શૂટ શરૂ કરે તે પહેલાં બાકીના બધાં જ પ્રોજેક્ટ પૂરા કરવાનું નક્કી કર્યું છે. તે હાલ નવેબર કે ડિસેમ્બરમાં ‘ધ રાજા સાબ’ માટે કામ પૂરું કરશે. પ્રભાસ ‘સ્પિરિટ’નું કામ શરૂ કરે તે પહેલાં હનુ રઘુવાપુડીની ‘ફૌજી’નું અડધું કામ પણ પૂરું કરી લેશે. સંદીપ રેડ્ડી વાંગાની ક્રાઇમ ડ્રામામાં પ્રભાસ એક પોલિસ ઓફિસરના રોલમાં જોવા મળશે.

આ એક ડ્રગ માફિયા આધારિત સ્ટોરી છે. ટી-સિરીઝ આ ફિલ્મને પ્રોડ્યુસ કરશે, જેમાં એક નહીં પણ બે હિરોઇન લીડ રોલમાં હશે.સંદીપ રેડ્ડી વાંગાની ફિલ્મમાં હિંસા અને ક્‰રતા સહજ રીતે દર્શાવવામાં આવે છે, તેથી તેની ફિલ્મોને ઘણા વિવેચકો મહિલા વિરોધી પણ ગણાવે છે.

જોકે, દર્શકોને તેની ફિલ્મો પસંદ આવે છે કારણ કે તેની વાર્તા અને વાર્તા કહેવાની રીત ઘણી અલગ છે. તેણે અત્યાર સુધીમાં બનાવેલી ત્રણે ફિલ્મો સફળ રહી છે, અને એક ફિલ્મ બીજી ફિલ્મનો રેકોર્ડ તોડતી રહી છે. તેથી હવે પ્રભાસના ફૅન્સ પણ તેને વાંગાની ફિલ્મમાં નવા અવતારમાં જોવા ઉત્સુક છે.SS1MS