કરીના કપૂરે આલિયા ભટ્ટની સિંગિંગની ઉડાવી મજાક

મુંબઈ, દરેક વ્યક્તિ જાણે છે કે, બોલિવૂડ અભિનેત્રી આલિયા ભટ્ટ એક મહાન અભિનેત્રી હોવા ઉપરાંત ખૂબ જ સારી ગાયિકા પણ છે. તેણે ફિલ્મ ‘હમ્પ્ટી શર્મા કી દુલ્હનિયા’માં સમજાવાં ગીત ગાયું હતું. આ સિવાય તેણે ફિલ્મ ‘ઉડતા પંજાબ’માં દિલજીત દોસાંઝ સાથે ઈક કુડી ગીત પણ ગાયું છે.

એક તરફ જ્યાં આલિયા ભટ્ટના ફેન્સ તેની ગાયકીના વખાણ કરતાં થાકતા નથી, ત્યારે એવું લાગે છે કે, નણંદ એટલે કે કરીના કપૂરને આલિયાનું ગીત બહુ પસંદ નહોતું આવ્યું. જોકે, બંને નણંદ-ભાભી વચ્ચે સારું બોન્ડિંગ છે, પરંતુ અત્યારે લાગે છે કે આલિયા ભટ્ટ તેને પ્રભાવિત કરવામાં નિષ્ફળ રહી છે.

હાલમાં જ કરીના કપૂરના શો ‘વોટ વુમન વોન્ટ’નો પ્રોમો રિલીઝ થયો હતો જેમાં કરીના કપૂર તેની ભાભી આલિયા ભટ્ટને ટોણા મારતી જોવા મળી હતી. આ વીડિયોમાં આલિયા કહે છે કે, તે નાની હતી ત્યારથી જ તેને ગાવાનો શોખ છે. આના પર કરીના મજાકમાં કહે છે, ‘મને ખબર નથી કે તારો અવાજ સારો છે કે નહીં?’ આના પર આલિયા તરત જ કહે છે કે હું બાથરૂમમાં ગીત ગાઈ શકું છું.

આ પછી ક્લિપમાં શ્રેયા ઘોષાલ જોવા મળે છે જે કહે છે- ‘હવે આને રોકો.’તાજેતરમાં, કેટલીક ઇવેન્ટ્‌સમાં, આલિયા ‘પુષ્પાઃ ધ રાઇઝ’નું ગીત ‘ઉ અંતવા’ ગાતી જોવા મળી હતી. આ ગીત સાંભળીને સામંથા રૂથ પ્રભુ પણ પ્રભાવિત થઈ ગઈ હતી. અગાઉ, તેણે તેની ફિલ્મ દેવરામાં જુનિયર એનટીઆર માટે એક તમિલ ગીત પણ ગાયું હતું.SS1MS