AMAના સહયોગમાં સ્કૂલ ઓફ અલ્ટીમેટ લીડરશીપ (SOUL) દ્રારા “લીડરશીપ ‘સંવાદ’
– ઇમર્જિંગ પરસ્પેકટીવસ ઑન ઇન્ડિક લીડરશીપ” વિષય પર પેનલ ડિસ્કશનનું આયોજન
શુક્રવાર, ઓક્ટોબર ૨૫, ૨૦૨૪ના રોજ સાંજે ૬:૦૦ વાગ્યાથી પ્રવેશ: ઓપન / બધા માટે સ્થળ: અમદાવાદ મેનેજમેન્ટ એસોસિએશન
અમદાવાદ, સ્કૂલ ઓફ અલ્ટીમેટ લીડરશીપ (SOUL) જાહેર સેવામાં અધિકૃત નેતાઓ વિકસાવવા માટે પ્રતિબધ્ધ છે કે જેઓ હકારાત્મક સામાજિક પરિવર્તન લાવી શકે. નેતૃત્વ ‘સંવાદ’ જેવા સંવાદોનું આયોજન કરીને, સ્કૂલ ઓફ અલ્ટીમેટ લીડરશીપ સમકાલીન શાસનના પડકારોને સંબોધિત કરતી વખતે ભારતીય મૂલ્યોમાં મૂળ ધરાવતા નેતૃત્વને પ્રોત્સાહિત કરતી ચર્ચાઓને પ્રોત્સાહન આપે છે.
એએમએના સહયોગમાં સ્કૂલ ઓફ અલ્ટીમેટ લીડરશીપ દ્રારા એએમએ ખાતે શુક્રવાર, ૨૫ ઓક્ટોબર, ૨૦૨૪ના રોજ સાંજે ૬:૦૦ વાગ્યાથી “લીડરશીપ ‘સંવાદ’ – ઇમર્જિંગ પરસ્પેકટીવસ ઑન ઇન્ડિક લીડરશીપ” વિષય પર એક પેનલ ડિસ્કશનનું આયોજન કરવામાં આવ્યું છે.
આ પેનલ ડિસ્કશનમાં પ્રતિષ્ઠિત સભ્યો ડૉ. આર. બાલાસુબ્રમણ્યમ (મેમ્બર એચઆર, કેપેસિટી બિલ્ડીંગ કમિશન અને ‘પાવર વિધ ઇન: ધ લીડરશીપ લેગસી ઓફ નરેન્દ્ર મોદી’ પુસ્તકનાં લેખક);
ડો. હસમુખ અઢિયા (ભારત સરકારના ભૂતપૂર્વ નાણાં સચિવ અને માનનીય મુખ્યમંત્રી ગુજરાતના મુખ્ય સલાહકાર); અને શ્રી જક્ષય શાહ (સેવી ગ્રુપના સ્થાપક અને સીએમડી અને ક્વોલિટી કાઉન્સિલ ઓફ ઈન્ડિયાના ચેરપર્સન) આ વિષય પર સંબોધન કરશે.
પેનલ ડિસ્કશનનું સંચાલન ઈન્ડિયન ઈન્સ્ટીટ્યુટ ઓફ મેનેજમેન્ટ અમદાવાદના પ્રો. નિહારિકા વોહરા કરશે. પેનલ ડિસ્કશન ભારતીય સંદર્ભમાં નેતૃત્વ પર મૂલ્યવાન પરિપ્રેક્ષ્ય પ્રદાન કરે છે. આપને આ કાર્યક્રમમાં જોડાવા હાર્દિક આમંત્રણ છે.
Get ready for “LEADERSHIP ‘SAMVAD’ – EMERGING PERSPECTIVES ON INDIC LEADERSHIP” on October 25. Explore how Indian leadership principles blend with modern governance to inspire change. Join thought leaders and be part of this transformative discussion.
