છત્તીસગઢમાં મેલીવિદ્યાની શંકામાં ૬૫ વર્ષીય વૃદ્ધાની હત્યા કરાઈ

સૂરજપુર, છત્તીસગઢના સૂરજપુર જિલ્લાના એક ગામમાં મેલીવિદ્યા કરવાની શંકાના મામલામાં એક ૬૫ વર્ષીય વૃદ્ધ મહિલાની હત્યા કરવામાં આવી છે.

આ મામલામાં પોલીસે એક જ પરિવારના ચાર લોકોની ધરપકડ કરી છે. પોલીસે ઓડગી પોલીસ સ્ટેશનની હદમાં આવેલા સાવરવા ગામમાં ૧૪મી નવેમ્બરે થયેલી હત્યાના આરોપમાં એક દંપતિ અને તેમના બે પુત્રોની ધરપકડ કરી છે, તેમ સૂરજપુરના એડિશનલ પોલીસ સુપરિનટેન્ડેન્ટ સંતોષ મહતોએ જણાવ્યું છે.

તેમણે વધુમાં કહ્યું કે, આરોપીઓમાં પ્રાણ સાઇ(૫૯), તેની પત્ની મુન્ની બાઇ(૫૭), તેમના પુત્રો મુકેશ(૧૮) અને મુકુમ(૨૩) સામેલ છે. પોલીસના કહેવા મુજબ, પ્રાણ સાઈના એક અન્ય પુત્રે ત્રણ-ચાર વર્ષ પહેલા આપઘાત કરી લીધો હતો, અને સાઇ પરિવારનું માનવું છે કે આ આપઘાત પાછળ નાનકી બાઇ(૬૫) દ્વારા કરાયેલી મેલીવિદ્યા કારણભૂત છે.

૧૪મી નવેમ્બરે મુકેશે ૬૫ વર્ષીય મહિલા નાનકી બાઈને પોતાના ઘરે બોલાવી, અને તેણીને ખૂબ દારુ પીવડાવ્યો, પછી મુકેશે કથિત રીતે વૃદ્ધ મહિલા નાનકી બાઈ પર કુહાડીથી હુમલો કર્યાે, અને મુકેશના ભાઈ મુકુમે તેનું ગળું દબાવી દીધું હતું.SS1MS