મહારાષ્ટ્રની વહાલી બહેનોનો લાડકો ભાઈ છું: PM મોદી જે નિર્ણય કરે તે મને માન્યઃ એકનાથ શિંદે
મહારાષ્ટ્રમાં ભાજપના મુખ્યમંત્રી બનવાનો માર્ગ મોકળો
મુંબઈ, મહારાષ્ટ્ર વિધાનસભા ચૂંટણીમાં સત્તાધારી ગઠબંધન ‘મહાયુતિ’ને ભારે બહુમતી મળી છે. જેમાં ભાજપે એકલા હાથે ૧૩૨ બેઠકો પર ઐતિહાસિક જીત હાંસલ કરી છે. પરંતુ હવે પ્રશ્ન એ છે કે મહારાષ્ટ્રમાં મુખ્યમંત્રી કોણ બનશે? આ સવાલ વચ્ચે એકનાથ શિંદેએ બુધવારે પત્રકાર પરિષદ યોજી હતી.
આ દરમિયાન તેમણે જાહેર કર્યું કે હું ક્યારેય મારી જાતને સીએમ નથી માનતો. મેં હંમેશા સામાન્ય માણસ તરીકે કામ કર્યું છે. મેં હંમેશા રાજ્યના ભલા માટે કામ કર્યું છે. તેમણે કહ્યું કે હું મહારાષ્ટ્રની વહાલી બહેનોનો લાડકો ભાઈ છું.
महायुति में किसी प्रकार का मतभेद नहीं है। एकनाथ शिंदे जी ने कुछ लोगों के मन की शंकाओं को भी आज दूर करने का काम किया है।
(मीडिया से संवाद | नागपुर | 27-11-2024)#Maharashtra #Nagpur #MahaYutiWins pic.twitter.com/QUY4AKanGn
— Devendra Fadnavis (@Dev_Fadnavis) November 27, 2024
આ દરમિયાન શિંદેએ કહ્યું કે મેં પીએમ મોદીને ફોન કરીને કહ્યું હતું કે અમારી વચ્ચે કોઈ સમસ્યા નથી. તમે જે પણ નિર્ણય લેશો તે અમે સ્વીકારીશું. અમારી વચ્ચે કોઈ અવરોધ નથી. અમે બધા દ્ગડ્ઢછનો ભાગ છીએ. પીએમ મોદી જે પણ નિર્ણય લેશે તે અમે સ્વીકારીશું. એકનાથ શિંદેએ કહ્યું કે પીએમ મોદી જે પણ નિર્ણય લેશે તે શિવસેનાને સ્વીકાર્ય રહેશે. મહાગઠબંધન મજબૂત છે અને અમે બધા સાથે મળીને કામ કરવા તૈયાર છીએ.
બીજી બાજુ, આવતીકાલ ગુરુવારે વડાપ્રધાન નરેન્દ્ર મોદી અને અમિત શાહના અધ્યક્ષસ્થાને યોજાનારી મહાયુતીની બેઠકમાં મુખ્યમંત્રીનું નામ નક્કી કરવામાં આવશે તેવું જાણવા મળી રહ્યું છે. એકનાથ શિંદેએ કહ્યું કે મેં મારી જાતને ક્યારેય મુખ્યમંત્રી માન્યા નથી. હું હંમેશા સામાન્ય માણસ તરીકે જનતાની સેવા કરતો આવ્યો છું. આ દરમિયાન શિંદેએ કહ્યું કે અમિત શાહ અને પીએમ મોદીએ હંમેશા મને સપોર્ટ કર્યો છે. મને સીએમ બનાવ્યો. હું તેમનો પણ આભાર માનું છું.
એકનાથ શિંદેનું નિવેદન સ્પષ્ટપણે દર્શાવે છે કે તેઓ સીએમની રેસમાં નથી અને મહારાષ્ટ્રના આગામી સીએમ બીજેપીના જ હશે. શિંદેએ પ્રેસ કોન્ફરન્સમાં કહ્યું કે હું સંતુષ્ટ છું, હું વચ્ચે અવરોધ નહીં બનીશ, મેં આ વાત પીએમ મોદી અને અમિત શાહને કહી છે. ભાજપ જે પણ નિર્ણય લેશે, મારી શિવસેના તેનું સમર્થન કરશે. શિંદેએ કહ્યું કે પ્રિય ભાઈ, મારા માટે આ સૌથી મોટી પોસ્ટ છે.
મહારાષ્ટ્રમાં વિધાનસભા ચૂંટણીના પરિણામો જાહેર થયા ત્યારથી નવા મુખ્યમંત્રીને લઈને ઝઘડો ચાલી રહ્યો છે. એકનાથ શિંદે હોય, દેવેન્દ્ર ફડણવીસ હોય કે અજિત પવાર હોયપ ત્રણેયના સમર્થકો તેમના નેતાને મુખ્યમંત્રી બનતા જોવા માંગે છે. તેના હોલમાર્ક પરિણામના દિવસે પણ દેખાઈ રહ્યા હતા, જ્યારે ત્રણેય નેતાઓના સમર્થકોએ ખુલ્લેઆમ તેમના નેતાને મુખ્યમંત્રી બનાવવાની માંગ કરવાનું શરૂ કર્યું હતું. એકનાથ શિંદે હાલમાં કાર્યકારી મુખ્યમંત્રી છે.
શિવસેના, એનસીપી અને દેવેન્દ્ર ફડણવીસના અગ્રણી નેતાઓને દિલ્હી બોલાવવામાં આવ્યા છે. બીજેપી હાઈકમાન્ડે આવતીકાલે પ્રફુલ પટેલ, અજિત પવાર, દેવેન્દ્ર ફડણવીસ અને એકનાથ શિંદે સાથે મહત્વની બેઠક નક્કી કરી છે. માનવામાં આવે છે કે આ બેઠકમાં મહારાષ્ટ્રની રાજનીતિને લઈને મોટા નિર્ણયો લેવામાં આવી શકે છે. આ બેઠકમાં રાજ્યની વર્તમાન રાજકીય સ્થિતિ અને ભવિષ્યની રણનીતિ પર ચર્ચા થવાની શક્યતા છે.
આ સાથે ભાજપ-શિવસેના (શિંદે જૂથ) અને NCP (અજિત પવાર જૂથ)ના ગઠબંધનને લગતા કેટલાક મહત્વપૂર્ણ મુદ્દાઓ પણ ઉભા થઈ શકે છે. થોડા સમય પહેલા સીએમ પદને લઈને એકનાથ શિંદેની પાર્ટી શિવસેનાના નેતા નરેશ મ્સ્કેનું નિવેદન આવ્યું હતું.
તેમણે કહ્યું કે સીએમ પદને લઈને કોઈ મૂંઝવણ નથી. સરકાર બે દિવસમાં બનતી નથી. પ્રક્રિયા ચાલી રહી છે. સીએમના નામની જાહેરાત ટૂંક સમયમાં કરવામાં આવશે. મહાયુતિના નેતાઓ નિર્ણય લેશે. જો કે અમે મુખ્યમંત્રી પદની માંગણી કરી છે. જેમ બિહારમાં એક નાની પાર્ટીને સીએમ પદ આપવામાં આવ્યું છે, તેવી જ રીતે અમે પણ સીએમ પદ માંગ્યું છે.
