આમોદ ના આછોદ ગામે યોજયેલી ક્રિકેટ ટુર્નામેન્ટમાં આછોદની ટીમ વિજેતા બની તો માતર રનર અપ રહી

ભરૂચ: આમોદ તાલુકાના આછોદ ગામે ક્રિકેટ ટુર્નામેન્ટ યોજાઈ હતી.ટુર્નામેન્ટમાં ૧૬ ટીમોએ ભાગ લીધો હતો જેમાં જંબુસર અને માતર વચ્ચે સેમિફાઈનલ રમાઈ હતી અને બીજી સેમીફાઈનલ આછોદ અને મછાસરા વચ્ચે રમાઈ હતી.માતર અને જંબુસર વચ્ચેની સેમી ફાઈનલમાં માતરની ટીમ વિજેતા થઈ હતી.જ્યારે  આછોદ અને મછાસરા વચ્ચે રમાયેલી સેમીફાઇનલ મેચમાં આછોદ ટીમ વિજેતા થઈ હતી.આમ આછોદ અને માતરની ટીમ ફાઈનલમાં આવી હતી અને  બુધવારે ફાઈનલ મેચની શરૂઆત ભારતીય પરંપરા મુજબ રાષ્ટ્રગીત વગાડી કરી હતી.

માતરની ટીમે પ્રથમ બેટિંગ કરતા ૨૨૪ રન બનાવ્યા હતા અને દિલધડક મુકાબલામાં રોમાંચ બાદ આછોદ ની ટીમ છેલ્લી ઘડીએ રન ચેજ કરવામાં સફળ બની હતી.આછોદ અને માતર વચ્ચે રમાયેલી ફાઈનલ મેચમાં દિલધડક મુકાબલામાં આછોદ ની ટીમ વિજેતા બની હતી અને ગામલોકોએ પોતાના ગામની વિજેતા બનેલી ટીમને ભારે ઉત્સાહથી વધાવી લીધી હતી.

ફાઈનલ મેચમાં મોટી સંખ્યામાં લોકો ગ્રાઉન્ડ ઉપર મેચ જોવા માટે ઉમટી પડ્યા હતા.જેમાં ભરૂચ જીલ્લાના અનેક ગામોના લોકો મેચ જોવા માટે આવ્યા હતા.તેમજ ગામની મહિલાઓ પણ મોટી સંખ્યામાં ક્રિકેટ ગ્રાઉન્ડ ઉપર મેચ જોવા આવી હતી.

મેચ જોવા આવેલા મુખ્ય મહેમાન સુલેમાન જોલવાએ ગ્રાઉન્ડની પ્રસંશા કરી હતી અને ક્રિકેટ ગ્રાઉન્ડ માટે ૨૧૦૦૦ હજાર રૂપિયા આપ્યા હતા.

આ ઉપરાંત ફાઇનલ મેચમાં મુખ્ય મહેમાન તરીકે આમોદ જંબુસરના નાયબ પોલીસ અધિક્ષક એ.જી.ગોહિલ,એલસીબી પી.એસ.આઈ જે.એન.ઝાલા,સરપંચ રમેશભાઈ તેમજ ગામના અન્ય આગેવાનો તેમજ ક્રિકેટ પ્રેમીઓ મોટી સંખ્યામાં હાજર રહ્યા હતા અને યુવા ક્રિકેટરોનો ઉત્સાહ વધાર્યો હતો.