નીતિશ કુમાર મંત્રીમંડળનું વિસ્તરણ: BJPના 7 ધારાસભ્ય મંત્રી બન્યા

ચૂંટણી પહેલા નીતિશ સરકારમાં ૭ ધારાસભ્યએ લીધા મંત્રી પદના શપથ

(એજન્સી)પટણા, બિહાર ચૂંટણી પહેલા નીતિશ કુમાર મંત્રીમંડળનું વિસ્તરણ કરવામાં આવ્યું હતું. સાંજે ચાર વાગ્યે રાજ્યપાલે બિહાર સરકારના નવા મંત્રીઓને પદ અને ગુપ્તતાના શપથ લેવડાવ્યા હતા. નીતિશ મંત્રીમંડળના વિસ્તરણ પહેલા જ દિલીપ જયસ્વાલે મંત્રી પદ પરથી રાજીનામું આપી દીધું હતું. આ મંત્રીમંડળ વિસ્તરણમાં સાત મંત્રીઓએ શપથ લીધા છે. આ બધા સાત મંત્રીઓ ભાજપના ક્વોટામાંથી છે.

Bihar CM @NitishKumar expands Bihar cabinet, inducts 7 MLAs from BJP The list of new inductees in the Nitish Cabinet included Sanjay Saraogi, Sunil Kumar Singh, Jibesh Kumar, Raju Kumar Singh, Moti Lal Prasad, Vijay Kumar Mandal and Krishan Kumar Mantoo. #BiharCabinetExpansion

નીતિશ મંત્રીમંડળનું વિસ્તરણ દરમિયાન એક પછી એક ૭ ભાજપના ધારાસભ્યો મંત્રી તરીકે શપથ લીધા હતા. બિહાર સરકારમાં મંત્રી બનેલા સાત નેતાઓના નામ જાહેર થયા છે. આ યાદીમાં દરભંગાના ધારાસભ્ય સંજય સરાવગીનું નામ પહેલા છે.

બિહારશરીફના ધારાસભ્ય સુનીલ કુમાર, જાલેના ધારાસભ્ય જીવેશ મિશ્રા, સાહેબગંજના ધારાસભ્ય રાજુ કુમાર સિંહ, રીગાના ધારાસભ્ય મોતીલાલ પ્રસાદની સાથે વિજય કુમાર મંડલ અને કૃષ્ણ કુમાર મન્ટુ પણ નવા મંત્રીઓની યાદીમાં છે.

વિધાનસભા ચૂંટણીના થોડા મહિના પહેલા જ્યારે મંત્રીમંડળ વિસ્તરણનો સમય આવ્યો,ત્યારે નીતીશે મોટું હૃદય બતાવ્યું અને ભાજપની બધી સાત ખાલી બેઠકો પર મંત્રીઓ બનાવવા સંમતિ આપી. ૨૦૨૫ની ચૂંટણીમાં દ્ગડ્ઢછ ફક્ત નીતિશના નેતૃત્વમાં જ ચૂંટણી લડવાનો દાવો કરી રહ્યું છે. બિહાર સરકારના કેબિનેટ વિસ્તરણમાં મંત્રી તરીકે શપથ લેવા જઈ રહેલા સાત ભાજપના ધારાસભ્યોના ચિત્રો સામે આવ્યા છે.

આ તસવીરમાં મંત્રી તરીકે શપથ લેવા જઈ રહેલા ભાજપના ધારાસભ્ય બેઠા છે અને અન્ય નેતાઓ તેમને અભિનંદન આપતા જોવા મળે છે. આ તસવીર શપથ ગ્રહણ સમારોહ પહેલા બિહાર ભાજપ કાર્યાલયમાં યોજાયેલી બેઠકની છે. ભાજપના ધારાસભ્ય મોતીલાલ પ્રસાદે મંત્રી પદના શપથ લીધા છે.

તે તેલી સમુદાયમાંથી આવે છે. તેઓ બે વાર વિધાનસભાના સભ્ય રહી ચૂક્યા છે. ભાજપના ધારાસભ્ય રાજુ કુમાર સિંહે મંત્રી પદના શપથ લીધા. રાજુ કુમારે લોક જનશક્તિ પાર્ટીથી પોતાની રાજકીય કારકિર્દીની શરૂઆત કરી હતી.