રેલવે બોર્ડના ચેરમેન સતીશ કુમારે કર્યુ મહિલા કર્મચારીઓનું સન્માન, કહ્યુ – નારી અમારી સંસ્કૃતિની શાન

 નવી દિલ્લી : આંતરરાષ્ટ્રીય મહિલા દિવસના અવસર પર રેલવે મહિલા કલ્યાણ સંગઠન (RWWCO) દ્વારા નેશનલ રેલવે મ્યુઝિયમ ઑડિટોરિયમ, નવી દિલ્લીમાં એક ભવ્ય સન્માન સમારંભનું આયોજન કરવામાં આવ્યું. Railway Board Chairman Satish Kumar honored women employees, said – Women are the pride of our culture

સમારંભના મુખ્ય અતિથિ રેલવે બોર્ડના ચેરમેન અને સીઈઓ શ્રી સતીશ કુમારે ભારતીય રેલવેના પ્રત્યેક ઝોન, પ્રોડક્શન યુનિટ (PU) અને કેટલાક જાહેર ઉપક્રમો (PSUs) થી ચૂંટાયેલ 33 ઉત્કૃષ્ટ મહિલા કર્મચારીઓને સન્માનિત કર્યા. તેમણે કહ્યું કે નારી માત્ર પુરૂષોની સમકક્ષ જ નહીં પરંતુ તેમનાથી વધુ કામ કરીને દેશના વિકાસમાં  યોગદાન આપી રહી છે.

શ્રી સતીશ કુમારે ભારતીય રેલવેમાં મહિલાઓની મહત્વપૂર્ણ ભૂમિકા પર પ્રકાશ નાંખતા કહ્યું કે રેલવેમાં મહિલાઓની ભાગીદારી માત્ર કાર્યક્ષેત્ર સુધી મર્યાદિત નથી, પરંતુ તેઓ અમારા સંગઠનની શક્તિ અને સફળતાનો અભિન્ન ભાગ છે. તેમની મહેનત, સમર્પણ અને નેતૃત્વે ભારતીય રેલવેને નવી ઊંચાઈઓ સુધી પહોંચાડવામાં મહત્વપૂર્ણ યોગદાન આપ્યું છે. તેમણે એક કવિતાનું પઠન કરતાં કહ્યુ કે નારી માન છે, સન્માન છે. નારી અમારી સંસ્કૃતિની શાન છે. નારી શક્તિ છે, નારી ભક્તિ છે, નારી જીવન જ્યોતિની અભિવ્યક્તિ છે.

આ અવસર પર સંગઠનની અધ્યક્ષ શ્રીમતી (ડૉ.) રૂબી રાની સિંહએ મહિલા કર્મચારીઓના સશક્તિકરણ, કાર્યસ્થળ પર તેમની સુરક્ષા અને લેંગિક સમાનતાને પ્રોત્સાહન આપવા માટે ભારતીય રેલવે દ્વારા લેવામાં આવી રહેલા વિવિધ પગલાંઓની ચર્ચા કરી. આ અવસર પર સંગઠનની સચિવ શ્રીમતી અમૃતા શર્મા, કોષાધ્યક્ષ શ્રીમતી નિર્દેશ સિંહ અને સંયુક્ત સચિવ શ્રીમતી અંજલિ વર્મા સહિત કેટલાય જાણીતા લોકો ઉપસ્થિત હતા.