તમારી કિંમત સમજોઃ તમન્ના ભાટીયાએ મહિલાઓને આપી શીખ

મુંબઈ, ૮ માર્ચે સમગ્ર વિશ્વમાં ‘મહિલા દિવસ’ ઉજવવામાં આવે છે. આ ખાસ પ્રસંગે, સુંદર અભિનેત્રી તમન્ના ભાટિયાએ તેના મહિલા ચાહકો માટે એક ખાસ સંદેશ મોકલ્યો છે. તેમણે મહિલાઓને તેમની શક્તિને ઓળખવા અને સામાજિક અવરોધોને પડકારવા કહ્યું છે.

બ્રેક અપના સમાચાર વચ્ચે તમન્નાએ મૌન તોડ્યું છે.દર વર્ષે ૮ માર્ચે, સમગ્ર વિશ્વમાં ‘મહિલા દિવસ’ ઉજવવામાં આવે છે. આ પ્રસંગે, દક્ષિણ સિનેમાથી લઈને બોલિવૂડ સુધી પોતાની મજબૂત ઓળખ બનાવનારી સુંદર અભિનેત્રી તમન્ના ભાટિયાએ તેના મહિલા ચાહકો માટે એક ખાસ સંદેશ મોકલ્યો છે.

તેમણે મહિલાઓને તેમની શક્તિને ઓળખવા અને સામાજિક અવરોધોને પડકારવા વિનંતી કરી છે. તમન્ના માને છે કે વાસ્તવિક સશક્તિકરણ ત્યારે શરૂ થાય છે જ્યારે આપણે આપણી પોતાની કિંમત સમજીએ છીએ.તેમણે કહયું, ‘આ મહિલા દિવસ પર, ચાલો આપણે દરેક મહિલાની શક્તિ, સહનશક્તિ અને પ્રતિભાની ઉજવણી કરીએ.’

તમારો અવાજ ઉઠાવો અને સમાનતા પ્રાપ્ત કરવા માટે એકબીજાને પ્રેરણા આપો.વિશ્વભરમાં વિવિધ કાર્યક્રમો દ્વારા આ સંદેશ ફેલાવવા પર ભાર મૂકવામાં આવી રહ્યો છે, જેથી મહિલાઓને સમાજમાં વધુ સ્વતંત્રતા અને તકો મળી શકે. તમન્ના ભાટિયા માટે ૨૦૨૪નું વર્ષ ખૂબ સારું રહ્યું.

તેમણે અગાઉ પણ પોતાના કામ પ્રત્યેના જુસ્સા વિશે વાત કરી હતી. તેમણે કહ્યું હતું કે, ‘મને હંમેશા અભિનય કરવાની તીવ્ર ઇચ્છા હતી.’ મને થિયેટર અને અન્ય પ્લેટફોર્મ પર કામ કરવાની મજા આવતી હતી. ક્યારેક કામના કલાકો ખૂબ લાંબા હોય છે, પણ તે ક્યારેય બોજ જેવું લાગતું નથી.તેમણે આગળ કહ્યું, ‘લોકો મને પૂછે છે કે મને શું ખુશ કરે છે, પરંતુ મારા માટે મારું કામ મારી સૌથી મોટી ખુશી છે.’

પોતાના કામ વિશે વાત કરીએ તો, તમન્ના છેલ્લે ક્રાઈમ ડ્રામા ‘સિકંદર કા મુકદ્દર’માં જોવા મળી હતી. આ નેટફ્લિક્સ શ્રેણી નીરજ પાંડે દ્વારા દિગ્દર્શિત છે અને તેમાં અવિનાશ તિવારી, જીમી શેરગિલ, રાજીવ મહેતા, દિવ્યા દત્તા અને ઝોયા અફરોઝ જેવા કલાકારો છે.

આ ઉપરાંત, તે ૨૦૨૪ માં ‘અરણમલાઈ ૪’ અને ‘વેદ’ જેવી ફિલ્મોનો પણ ભાગ બનશે.૨૦૨૪ માં, તેના દમદાર અભિનયની સાથે, તમન્નાએ તેના વિસ્ફોટક નૃત્યથી દર્શકોના દિલ પણ જીતી લીધા. તે ફિલ્મ ‘સ્ત્રી ૨’ ના ગીત ‘આજ કી રાત’ માં જોવા મળી હતી, જેમાં તેના અભિનયને લોકોએ ખૂબ પસંદ કર્યાે હતો.

આ વર્ષે તે તેલુગુ ફિલ્મ ‘ઓડેલા ૨’માં જોવા મળશે. આ ફિલ્મના તાજેતરમાં રિલીઝ થયેલા ટીઝરમાં, તમન્ના નાગા સાધુના અવતારમાં જોવા મળી રહી છે. આ ટીઝર મહા કુંભ મેળામાં લોન્ચ કરવામાં આવ્યું હતું, જેમાં તેણી પોતાના ગામની રક્ષા માટે એક ખતરનાક શક્તિ સામે લડતી જોવા મળી હતી.SS1MS