ટ્રમ્પના અંદાજમાં કેનેડાના શહેરની અમેરિકાને ધમકી

ઓટાવા, અમેરિકાના રાષ્ટ્રપતિ ડોનાલ્ડ ટ્રમ્પ દ્વારા કેનેડા, મેક્સિકો અને ચીન પર ભારે ટેરિફ લાદવાના નિર્ણય બાદ ટ્રેડ વોરમાં વધારો થયો હતો. તેના જવાબમાં કેનેડિયન પ્રાંત ઓન્ટારિયોએ યુએસમાં નિકાસ થતી વીજળી પર ૨૫ ટકા ડ્યુટીની જાહેરાત કરી હતી.વાસ્તવમાં આૅન્ટારિયોથી ન્યૂ યોર્ક, મિનેસોટા અને મિશિગનમાં ૧.૫ મિલિયન અમેરિકન ગ્રાહકોને વીજળી પૂરી પાડે છે.

ઓન્ટારિયોના પ્રીમિયર ડગ ફોર્ડે સ્પષ્ટ શબ્દોમાં કહ્યું કે જો અમેરિકા ટેરિફ વધારશે તો તે અમેરિકાને વીજળી સપ્લાય કરવાનું સંપૂર્ણપણે બંધ કરી શકે છે.ડગ ફોર્ડે કહ્યું હતું કે, “જો અમેરિકા તેના ટેરિફમાં વધારો કરશે તો હું વીજળી સંપૂર્ણપણે બંધ કરવામાં અચકાઈશ નહીં.”

ફોર્ડે એમ પણ કહ્યું કે તેમને અમેરિકન નાગરિકો માટે ખરાબ લાગે છે કારણ કે તેમણે આ ટ્રેડ વોર શરૂ કર્યું નથી, પરંતુ ફક્ત એક જ વ્યક્તિ રાષ્ટ્રપતિ ટ્રમ્પ તેના માટે જવાબદાર છે.નવા વીજળી દરો ઓન્ટારિયો સરકાર માટે દરરોજ ૩૦૦,૦૦૦ થી ૪૦૦,૦૦૦ કેનેડિયન ડોલરની વધારાની આવક પેદા કરશે.

આ નાણાંનો ઉપયોગ આૅન્ટારિયોના કામદારો, પરિવારો અને વ્યવસાયોને ટેકો આપવા માટે કરવામાં આવશે. આ ટેરિફ યુએસ ઉત્પાદનો પર ફેડરલ સરકાર દ્વારા લાદવામાં આવેલા ૨૧ બિલિયન ડોલરના પ્રતિશોધાત્મક ટેરિફ ઉપરાંત હશે.

ડોનાલ્ડ ટ્રમ્પે કેનેડા અને મેક્સિકો પર ૨૫ ટકા અને ચીન પર ૧૦ ટકા ટેરિફની જાહેરાત કરી હતી, જેનાથી ફુગાવા અને આર્થિક મંદીની આશંકા વધી ગઈ હતી.

મેક્સિકો, કેનેડા અને ચીને તરત જ વળતો હુમલો કર્યાે હતો. ફોર્ડે ટ્રમ્પને ટેરિફ પાછા લેવા કહ્યું અને ચેતવણી આપી કે જ્યાં સુધી તે સંપૂર્ણપણે તબક્કાવાર નાબૂદ ન થાય ત્યાં સુધી ઓન્ટારિયો પીછેહટ કરશે નહીં. હું અમેરિકનોને મહત્તમ દુઃખ પહોંચાડવા માટે કંઈ પણ કરીશ કારણ કે ટ્રમ્પ દરરોજ પોતાનું વલણ બદલી રહ્યા છે અને કેનેડા પર હુમલો કરી રહ્યા છે.”

અમેરિકા અને કેનેડા વચ્ચે વધતા ટ્રેડ વોરની અસર બંને દેશોના વેપાર અને ઉર્જા સંબંધો પર પડી છે. આૅન્ટારિયોના ૨૫ ટકા વીજળીના ટેરિફને ટ્રમ્પના ટેરિફના મજબૂત પ્રતિભાવ તરીકે જોવામાં આવે છે. જો આ વિવાદ વધશે તો તેની અસર અમેરિકા અને કેનેડા વચ્ચેના આર્થિક સંબંધો પર પડી શકે છે.SS1MS