કરાચી-ક્વેટા હાઇવે પર પાકિસ્તાન આર્મીના કાફલા પર હુમલો

હુમલામાં ૩૨ સૈનિકો માર્યા ગયાઃ આતંકવાદી હુમલાઓ હવે પાકિસ્તાનના મુખ્ય શહેરો સુધી પહોંચી ગયા છે

કરાંચી, પાકિસ્તાન દ્વારા ફેલાવવામાં આવેલો આતંકવાદ હવે તેના માટે ઘાતક બની રહ્યો છે. આતંકવાદીઓને આશ્રય આપવાની કિંમત હવે આખા પાકિસ્તાનમાં ચૂકવવામાં આવી રહી છે. ખુઝદારમાં ઝીરો પોઈન્ટ નજીક કરાચી-ક્વેટા હાઈવે પર લશ્કરના કાફલાને ઈમ્પ્રુવાઇઝ્ડ એક્સપ્લોઝિવ ડિવાઇસ વડે નિશાન બનાવવામાં આવ્યું હતું, જેમાં ૩૨ પાકિસ્તાની સૈનિકો માર્યા ગયા હતા અને ડઝનેક ઘાયલ થયા હતા.

પાકિસ્તાનના દૂરના વિસ્તારોમાંથી આતંકવાદી ઘટનાઓના સમાચાર સાંભળવા સામાન્ય હતા, પરંતુ હવે પાકિસ્તાનના મોટા શહેરોમાં પણ આવા હુમલા થવા લાગ્યા છે. જે બાદ ત્યાંની સુરક્ષા પર સવાલો ઉભા થયા છે.

32 Pakistani military personnel were killed and dozens injured when a convoy of eight vehicles was struck by a VBIED on the Karachi-Quetta highway near in Khuzdar.

કરાચી-ક્વેટા હાઇવે નજીક પાર્ક કરેલી કારમાં વિસ્ફોટક મૂકવામાં આવ્યો હતો અને જ્યારે સેનાનો કાફલો ત્યાંથી પસાર થઈ રહ્યો હતો ત્યારે તેમાં વિસ્ફોટ થયો. અહેવાલો અનુસાર, કાફલામાં આઠ સૈન્ય વાહનો હતા જેમાંથી ત્રણ વાહનો સીધા ટકરાયા હતા, જેમાં લશ્કરી કર્મચારીઓના પરિવારોને લઈ જતી બસનો પણ સમાવેશ થાય છે.

અધિકારીઓ આ સુરક્ષા ખામી છુપાવવાનો પ્રયાસ કરી રહ્યા છે. આંતરિક સૂત્રોના જણાવ્યા અનુસાર, અધિકારીઓ વાર્તા બદલવાના પ્રયાસમાં આ ઘટનાને સ્કૂલ બસ પરના હુમલા તરીકે દર્શાવી રહ્યા છે.

૨૧ મેના રોજ કરાચી-ક્વેટા હાઇવે પર બીજો હુમલો થયો છે. બલુચિસ્તાનના ખુઝદાર શહેર નજીક ક્વેટા-કરાચી હાઇવે પર આતંકવાદીઓ દ્વારા બાળકોને લઈ જતી આર્મી પબ્લિક સ્કૂલની બસ પર હુમલો કરવામાં આવ્યો હતો. જેમાં ડ્રાઇવર સહિત પાંચ બાળકોના મોત થયા હતા. આ ઘટનાઓને કારણે પાકિસ્તાનના સામાન્ય લોકોમાં ભયનો માહોલ છે.

પાકિસ્તાન પર લાંબા સમયથી આતંકવાદને પ્રોત્સાહન આપવાનો આરોપ મૂકવામાં આવ્યો છે. હવે જ્યારે પાકિસ્તાનની અંદર આતંકવાદી હુમલાઓ વધી રહ્યા છે, ત્યારે પાકિસ્તાની સુરક્ષા એજન્સીઓની નબળાઈઓ સામે આવી રહી છે.