રાજકોટમાં રેપ કેસમાં સાવકા પિતાને છેલ્લા શ્વાસ સુધીની કેદ

આ બાળકી આરોપી સાથે જ રહેતી હતી

આ સાથે જ કોર્ટે આરોપીને ૧૦,૦૦૦નો દંડ અને ભોગ બનનારને ૭ લાખનું વળતર ચૂકવવાનો આદેશ આપ્યો

રાજકોટ,રાજકોટમાં દસ વર્ષની માસૂમ બાળકી પર દુષ્કર્મ આચરનાર સાવકા પિતાને કોર્ટે છેલ્લા શ્વાસ સુધીની જેલની સજા ફટકારી છે. આ સાથે જ કોર્ટે આરોપીને ૧૦,૦૦૦નો દંડ અને ભોગ બનનારને ૭ લાખનું વળતર ચૂકવવાનો આદેશ આપ્યો છે.આ કેસની વિગત એવી છે કે રાજકોટના એક દંપતીના છૂટાછેડા થયા બાદ તેમની પુત્રી માતા સાથે રહેતી હતી. માતાએ બીજા લગ્ન કર્યા પછી, ૧૦ વર્ષની આ બાળકી તેની સાથે જ રહેતી હતી. જ્યારે કોઈ ઘરમાં ન હોય ત્યારે, ધોરણ ૫માં અભ્યાસ કરતી આ બાળકીનો સાવકા પિતા હાર્દિક રમેશ જોષીએ ત્રણ વર્ષ સુધી વારંવાર દુષ્કર્મ આચર્યાે હતો.

આ ઘટનાથી ડરી ગયેલી બાળકીએ પોતાની ફઈ મારફતે પોતાના મૂળ પિતાને આ અંગે જાણ કરી હતી. જાણ થતાં જ મૂળ પિતાએ હાર્દિક જોષી વિરુદ્ધ પોલીસ ફરિયાદ નોંધાવી હતી. પોલીસે આરોપીની ધરપકડ કરીને જેલ હવાલે કર્યાે હતો. તપાસ અધિકારી દ્વારા પૂરતા પુરાવા મળ્યા બાદ કોર્ટમાં ચાર્જશીટ રજૂ કરવામાં આવી હતી.આ કેસ અદાલતમાં ચાલવા પર આવ્યો ત્યારે ભોગ બનનાર, ફરિયાદી, તબીબ, તપાસ અધિકારી અને સાહેદોની જુબાની તેમજ દસ્તાવેજી પુરાવા રજૂ કરવામાં આવ્યા હતા.

બંને પક્ષોની દલીલો અને સરકારી વકીલ આબીદ સોસન દ્વારા રજૂ કરાયેલા ઉચ્ચ અદાલતોના ચુકાદાઓને ધ્યાનમાં રાખીને, સ્પેશિયલ પોક્સો કોર્ટના ન્યાયાધીશ વી.એ. રાણાએ આરોપી હાર્દિક જોષીને દોષિત ઠેરવીને આજીવન કેદ અને ¹ ૧૦,૦૦૦નો દંડ ફટકાર્યાે હતો. આ ઉપરાંત, વિક્ટિમ વળતર યોજના હેઠળ ભોગ બનનારને ¹ ૭,૦૦,૦૦૦નું વળતર ચૂકવવાનો પણ હુકમ કરવામાં આવ્યો છે.ss1