લોખંડનો શેડ પડતાં નવ કર્મચારી દબાયા, એકનું મોત

સુરત, વાપીના ઉમરગામ જીઆઇડીસીમાં પ્લાસ્ટિકની ચીજવસ્તુ બનાવતી કંપનીમાં મંગળવારે (પહેલી જુલાઈ) સવારે અચાનક લોખંડનો શેડ તૂટી પડ્યો હતો. આ દુર્ઘટનામાં નવ કર્મચારીઓ કાટમાળમાં દબાય ગયા હતા, જેમાં એકનું મૃત્યુ નિપજ્યું થયું હતું. જ્યારે ચારને સામાન્ય અને ત્રણ કર્મચારીને ગંભીર ઈજા પહોંચી હતી.

ઉમરગામ જીઆઈડીસીમાં પ્લાસ્ટિકની ચીજવસ્તુ બનાવતી જીબી પેક પ્રા.લિ. નામક કંપની આવેલી છે. મંગળવારે કંપનીમાં લોખંડનો શેડ અચાનક તુટી પડતા નજીકમાં કામ કરતા નવ કર્મચારીઓ કાટમાળમાં દબાયા હતા.

આ ઘટનાને પગલે ભારે દોડધામ મચી હતી. મેનેજર, સહ કર્મચારી સહિત લોકો દોડી ગયા હતા. જાણ થતા ફાયર વિભાગની ટીમ ઘટના સ્થળે પહોંચીને એક પછી એક નવ કર્મચારીને બહાર કાઢ્યા હતા. જો કે, ભાવિન જોશીને ગંભૈીર ઈજા થતા મોત નિપજ્યુ હતું. ચાર કર્મચારીને સામાન્ય ઈજા થઇ હતી, જ્યારે ત્રણને ગંભીર ઈજાઓ પહોંચી હતી. ઉમરગામ પોલીસ મથકની ટીમ પણ ઘટના સ્થળે દોડી ગઈ હતી.SS1MS