50 રૂપિયાનો સિક્કો રજૂ કરવા બાબતે RBIએ શું સ્પસ્ટતા કરી?
નવી દિલ્હી, કેન્દ્ર સરકારે દિલ્હી હાઈકોર્ટમાં માહિતી આપી હતી કે, હાલમાં ૫૦ રૂપિયાનો સિક્કો રજૂ કરવાની કોઈ યોજના નથી. નાણા મંત્રાલયે એક સોગંદનામું દાખલ કર્યું છે, જેમાં જણાવાયું છે કે, ૨૦૨૨માં રિઝર્વ બેંક ઓફ ઈન્ડિયા દ્વારા કરવામાં આવેલા સર્વેમાં જાણવા મળ્યું છે કે, સામાન્ય લોકો ૧૦ અને ૨૦ ના સિક્કા કરતાં નોટો વધુ પસંદ કરે છે.
આ મામલો દિલ્હી હાઈકોર્ટમાં એક સુનાવણી દરમિયાન પ્રકાશમાં આવ્યો હતો, જે રોહિત નામના અરજદાર દ્વારા દાખલ કરવામાં આવી હતી. અરજીમાં દૃષ્ટિહીન નાગરિકો માટે ૫૦ અને તેનાથી નીચેના મૂલ્યની નોટો અને સિક્કાઓને સામાન્ય રીતે ઓળખી શકાય તેવા બનાવવાની માંગ કરવામાં આવી હતી. દિલ્હી હાઈકોર્ટમાં દાખલ કરેલી અરજીમાં, અરજદારે દાવો કર્યો છે કે, તેમણે ચલણ ડિઝાઇનમાં હાજર ખામીઓનો અભ્યાસ કર્યો છે.
જેમાં એવું જાણવા મળ્યું છે કે, ૫૦ રૂપિયાની નોટ અન્ય નોટોથી સ્પષ્ટ રીતે અલગ નથી. તે જ સમયે, નાણા મંત્રાલયે એ પણ સ્વીકાર્યું કે, ૧૦, ૨૦ અને ૫૦ ની મહાત્મા ગાંધી નોટોની નવી શ્રેણીમાં કોણીય બ્લીડ લાઇન અને ઉપશેલી પ્રિન્ટ જેવી ટેક્સટાઈટ સુવિધાઓ નથી.
મંત્રાલયે સ્વીકાર્યું કે, આ નોટો વધુ પડતી હેન્ડલિંગને કારણે, આ સુવિધાઓ ઝડપથી ઘસાઈ જાય છે. દિલ્હી હાઈકોર્ટમાં નાણા મંત્રાલયે જણાવ્યું હતું કે, આ ટેક્સટાઈટ સુવિધાઓને ફરીથી અમલમાં મૂકવાથી ઉત્પાદન ખર્ચ અને કાર્યક્ષમતા પર મોટી અસર પડશે.
