સચિન તેંડુલકરના નો બોલ પર જયદીપ અહલાવત બોલ્ડ

મુંબઈ, ક્રિકેટ ગ્રાઉન્ડ પર વર્ષાેથી સચિન તેંડુલકરને ઘણા ખેલાડીઓની પ્રશંસા કરતા જોયા છે. પરંતુ આ વખતે તેમણે સ્ટેડિયમની બહાર એક અભિનેતાની પ્રશંસા કરી છે. સચિને પાતાલ લોક સિરીઝના જાણીતા કલાકાર જયદીપ અહલાવતના વખાણ કર્યા છે.

આ વાત જયદીપને પણ માન્યામાં આવતી નથી.રેડિટ પર ‘આસ્ક મી એનિથિંગ’ સેશન દરમિયાન જ્યારે ચાહકોને સચિન તેંડુલકરને તેની પસંદગીઓ, વિચારો અને મનપસંદ બબાતો વિશે પ્રશ્નો પૂછ્યા હતા.

આ પ્રશ્નોમાં જયદીપ અહલાવતના અભિનય વિશેનો એક પ્રશ્ન હતો. ખચકાટ વિના, માસ્ટર બ્લાસ્ટરે જવાબ આપ્યો, “તે એક શાનદાર અભિનેતા છે અને મને તેનું કામ ગમે છે.

‘પાતાલ લોક’માં હાથીરામનું તેનું પાત્ર અદ્ભુત હતું.”જયદીપ માટે, તેંડુલકરના આ શબ્દો વાંચવા એ એક સ્વપ્નથી ઓછું નહોતું. અભિનેતાએ ઝડપથી તેની ઇન્સ્ટાગ્રામ સ્ટોરી પર વાતચીતનો સ્ક્રીનશોટ શેર કર્યાે, જેમાં અવિશ્વાસ સાથે ઉમેર્યું, “કહીં મેં સપના તો નહીં દેખ રહા? (શું હું સ્વપ્ન જોઈ રહ્યો છું?) આભાર, સચિન તેંડુલકર.”

જયદીપની ભૂમિકા, હાથીરામ ચૌધરીની, એક થાકેલા દિલ્હી પોલીસ અધિકારી, જે એક જટિલ, હાઇ-પ્રોફાઇલ કેસનો સામનો કરે છે, ૨૦૨૦માં રિલીઝ થયેલી આ સિરીઝ ‘પાતાલ લોક’ એક બ્રેકઆઉટ શો બની ગઈ હતી.

સુદીપ શર્મા દ્વારા બનાવવામાં આવેલી અને તરુણ તેજપાલના પુસ્તક ‘ધ સ્ટોરી ઓફ માય એસેસિન’થી પ્રેરિત આ શ્રેણીમાં ગુના, રાજકારણ અને નૈતિકતાની વાત કરવામાં આવી હતી.આ સેશનમાં તેંડુલકરને કેવી ફિલ્મોમાં રસ છે તે પણ જાણવા મળ્યું હતું.

ચાહકોને જવાબ આપતી વખતે, તેમણે કેટલીક તાજેતરની ફિલ્મોનો ઉલ્લેખ કર્યાે જે તેમને જોવામાં ગમતી હતી. તેમાં તમિલ ફિલ્મ ૩ બીએચકે અને મરાઠી નાટક ‘અતા થંબાયચા નાય!’નો સમાવેશ થાય છે.

૩ બીએચકે’ની ટીમે પણ સચિનના આ શબ્દો માટે ઝડપથી આભાર માન્યો હતો. દિગ્દર્શક શ્રી ગણેશે એક્સ પર પોસ્ટ કરીને લખ્યું, “ખૂબ ખૂબ આભાર, સચિન તેંડુલકર સર. તમે અમારા બાળપણના હીરો છો. તમારી શુભેચ્છાઓ અમારા માટે ખુબ મહત્વની છે.”

ક્રિકેટ અને સિનેમા વચ્ચેનો ક્રોસઓવર હંમેશા ભારતમાં ચાહકોને આકર્ષિત કરે છે, કારણ કે આ દેશમાં બંને ક્ષેત્રોની લગભગ સમાન રીતે પૂજા કરવામાં આવે છે.SS1MS