અભિનેતા મહેશ માંજરેકરની પ્રથમ પત્ની દીપા મહેતાનું અવસાન

મુંબઈ, અભિનેતા અને ફિલ્મ નિર્માતા મહેશ માંજરેકરની પહેલી પત્ની દીપા મહેતાનું અવસાન થયું છે. પુત્ર સત્યાએ સોશિયલ મીડિયા પર આ સમાચારની પુષ્ટિ કરી અને તેની માતા માટે ભાવનાત્મક નોંધ લખી છે.

પીઢ અભિનેતા અને ફિલ્મ નિર્માતા મહેશ માંજરેકરની પહેલી પત્ની, કોસ્ચ્યુમ ડિઝાઇનર દીપા મહેતાનું અવસાન થયું છે. મૃત્યુનું કારણ હજુ સુધી જાણી શકાયું નથી. તેના પરિવાર કે પ્રિયજનો તરફથી કોઈ સત્તાવાર નિવેદન આવ્યું નથી.સત્ય માંજરેકરે તેની માતાનો એક જૂનો ફોટો શેર કર્યાે અને તેની ઇન્સ્ટાગ્રામ સ્ટોરી પર લખ્યું, “મમ્મી, હું તમને ખૂબ જ યાદ કરું છું.

સત્યાએ ઇન્સ્ટાગ્રામ સ્ટોરી પણ શેર કરી, જેમાં લખ્યું, “આજે આપણે એક માર્ગદર્શક પ્રકાશ ગુમાવ્યો. તે માત્ર માતા જ નહોતી; તે એક પ્રેરણા હતી. સાડી વ્યવસાય બનાવવા માટે તેની શક્તિ, હિંમત અને જુસ્સાએ ઘણી છોકરીઓને મોટા સ્વપ્ન જોવાની શક્તિ આપી. ફિલ્મ નિર્માતા મહેશ માંજરેકરે ૧૯૮૭ માં દીપા મહેતા સાથે લગ્ન કર્યા. તેઓ કોલેજ સમયથી એકબીજાને ઓળખતા હતા.

તેમને બે બાળકો હતાઃ પુત્રી અશ્વમી માંજરેકર અને પુત્ર સત્ય માંજરેકર. જોકે, તેમના લગ્ન ૧૯૯૫ માં સમાપ્ત થયા, ત્યારબાદ બાળકો મહેશ સાથે રહ્યા.દીપાથી અલગ થયા પછી, મહેશે અભિનેત્રી મેધા માંજરેકર સાથે લગ્ન કર્યા, જેમની પાસેથી તેમને એક પુત્રી, સાઈ માંજરેકર છે. સાઈએ સલમાન ખાન સાથે ફિલ્મ “દબંગ ૩” થી બોલિવૂડમાં અભિનયની શરૂઆત કરી.

ત્યારબાદ તેણી “મેજર” અને “કુછ ખટ્ટા હો જાયે” જેવી ફિલ્મોમાં જોવા મળીમહેશ માંજરેકરથી અલગ થયા પછી, કોસ્ચ્યુમ ડિઝાઇનર દીપા મહેતાએ પોતાનો વ્યવસાય સ્થાપ્યો. તેણીની સાડી બ્રાન્ડ, “દીપા ક્વીન ઓફ હાટ્‌ર્સ”, મરાઠી ફિલ્મ ઉદ્યોગમાં જાણીતી છે. તેણીએ પોતાની મહેનત અને ફેશન સેન્સ દ્વારા પોતાના માટે એક વિશિષ્ટ સ્થાન બનાવ્યું હતું.SS1MS