AirIndia Plane: વિશ્વાસ કુમાર બચી જવાની ખુશી કરતા, કેમ બચી ગયો તેનો આઘાત

અમદાવાદ વિમાન દુર્ઘટનામાં બચી ગયેલી વ્યક્તિની હાલત કથળી

(એજન્સી)અમદાવાદ, અમદાવાદ વિમાન દુર્ઘટનામાં બચી ગયેલા એકમાત્ર વ્યક્તિની હાલત એટલી હદે કથળી ગઈ છે કે, તે મૌનમાં ડૂબી ગયો છે. બચી જવાની ખુશી કરતા, કેમ બચી ગયો તેનો આઘાત ફરી વળ્યો છે. તેના સ્વજનોએ આઘાત પામેલા વિશ્વાસની વાત જણાવી.

૧૨ જૂન, ૨૦૨૫ ના રોજ, એર ઇન્ડિયાના વિમાનમાં સવાર ૨૪૨ મુસાફરોમાંથી વિશ્વાસ કુમાર એકમાત્ર બચી ગયો હતો. હવે, ચાર મહિના પછી, વિશ્વાસ સાથે વાત કરવી લગભગ અશક્્ય છે. આવામાં વિશ્વાસ કુમારની હાલની સ્થિતિ અંગે અહેવાલ સામે આવ્યો છે.

૧૨ જૂન અમદાવાદ પ્લેન ક્રેશના બે વીડિયો વાયરલ થયા હતા. પહેલા વીડિયોમાં એક વિમાન ઉડાન ભરતું દર્શાવવામાં આવ્યું હતું, જે થોડી ક જ સેકન્ડોમાં અચાનક એક ઇમારત સાથે અથડાયું અને આગમાં ભડથુ થઈ ગયું હતું. થોડી જ ક્ષણોમાં ૨૪૨ લોકોના જીવ ગયા. બીજા વીડિયોમાં અમદાવાદ એરપોર્ટથી લગભગ ૧.૭ કિલોમીટર દૂર આકાશમાં ગાઢ કાળો ધુમાડો ઉડતો જોવા મળ્યો હતો.

આ એ જ જગ્યા હતી જ્યાં એર ઇન્ડિયાની ફ્લાઇટ છૈં ૧૭૧ ટેકઓફ થયાના ૪૦ સેકન્ડ પછી ક્રેશ થઈ હતી. વીડિયોમાં ચીસો અને સાયરન વાગતા કેદ થયા હતા, અને પછી સફેદ ટી-શર્ટ અને ગ્રે પેન્ટ પહેરેલો એક માણસ ધુમાડામાંથી બહાર નીકળ્યો હતો. તેના કપડાં પર લોહીના ડાઘ હતા, અને તેણે ફોન પકડ્યો હતો.

તે વારંવાર એક જ વાત કહેતો રહ્યો, પ્લેન ફાટ્યું છે! પ્લેન ફાટ્યું છે! તે બીજું કોઈ નહીં પણ ૪૩ વર્ષીય વિશ્વાસકુમાર રમેશ હતો, જે તે જ વિમાનમાં એક મુસાફર હતો, જે ૨૪૨ લોકોમાંથી એકમાત્ર બચી ગયો હતો. તેનો ભાઈ અજય કુમાર પણ તે જ વિમાનમાં હતો, પરંતુ તે પણ બચી શક્્યો નહીં. ચાર મહિના પહેલા થયેલી આ દુર્ઘટના રાષ્ટ્રીય હેડલાઇન્સમાં બની હતી.

વડા પ્રધાન નરેન્દ્ર મોદીએ પણ તેમને હોસ્પિટલમાં મળવા ગયા હતા. પાંચ દિવસ પછી, તેઓ દીવ સ્થિત તેમના ઘરે પાછા ફર્યા. હવે, ચાર મહિના પછી, વિશ્વાસ સાથે વાત કરવી લગભગ અશક્્ય છે. તેમના પિતા રમેશ ભાલિયાએ તેમને કહ્યું કે વિશ્વાસ લંડન ગયો છે. ત્યાં, તેમણે વકીલ અને કટોકટી વ્યૂહરચના સલાહકાર રાડ સીગર અને સંજીવ પટેલને તેમના પ્રવક્તા તરીકે નિયુક્ત કર્યા હતા.