મારા મોતની અફવા ખોટી, હું જીવું છુઃ જેકી ચાન
મુંબઈ, ‘હી-મેન’ ધર્મેન્દ્રના સ્વાસ્થ્ય અપડેટ્સ વચ્ચે, માર્શલ આર્ટિસ્ટ અને અભિનેતા જેકી ચાનના મૃત્યુના અહેવાલો પણ ફરતા થઈ રહ્યા છે. ઇન્સ્ટાગ્રામ અને ફેસબુક પર ઘણી પોસ્ટ્સ દાવો કરે છે કે તે હવે નથી. કેટલાક લોકો તો દાવો કરે છે કે તેમની પત્ની અને પુત્રીએ આ વાતની પુષ્ટિ કરી છે.
જો કે, બધા દાવા ખોટા છે. ૭૧ વર્ષીય અભિનેતા જીવંત અને સ્વસ્થ છે.હકીકતમાં, જેકી ચાનના મૃત્યુના સમાચાર સોશિયલ મીડિયા પર વાયરલ થયા હતા, જેમાં અહેવાલો અનુસાર જૂની ઈજાને કારણે તે મૃત્યુ પામ્યા હતા.
એવું લખવામાં આવ્યું હતું કે, “૭૧ વર્ષીય જેકી ચાનને દાયકાઓ પહેલા થયેલી ઈજાથી મુશ્કેલીઓનો સામનો કરવો પડ્યો હતો અને તે સામે લડ્યા પછી તેમનું અવસાન થયું છે.આ દરમિયાન, બીજા એક વ્યક્તિએ દાવો કર્યાે કે તેમનું મૃત્યુ સ્વાસ્થ્ય સમસ્યાઓના કારણે થયું છે, પરંતુ સાચી વાત એ છે કે અભિનેતા સંપૂર્ણ સ્વસ્થ છે.એવું કહેવામાં આવી રહ્યું છે કે આ પહેલી વાર નથી.
૨૦૧૫ માં પણ જેકી ચેનના મૃત્યુની અફવાઓ સામે આવી હતી. અભિનેતાએ પોતે પ્રતિક્રિયા આપતા કહ્યું, “જ્યારે હું ફ્લાઇટમાંથી ઉતર્યાે, ત્યારે બે અહેવાલોએ મને આઘાત આપ્યો.” સૌ પ્રથમ, હું હજી પણ જીવિત છું અને બીજું, રેડ પોકેટ્સ અંગે મારા નામનો ઉપયોગ કરીને વેઇબો પર ચાલી રહેલા કૌભાંડ પર વિશ્વાસ નથી.SS1MS
