સોનિયા અને રાહુલ ગાંધી વિરુદ્ધ ફરિયાદમાં અન્ય કોણ 6 વ્યક્તિઓના નામ છે?

કોંગ્રેસ સાથે જોડાયેલી કંપની એસોસિયેટેડ જર્નલ્સ લિમિટેડ પર છેતરપિંડીથી કબજો કરવા અને તેની સંપત્તિનું નિયંત્રણ લેવા માટે ફોજદારી કાવતરું ઘડવામાં આવ્યું. આ FIR ૩ ઓક્ટોબરના રોજ નોંધાઈ હતી.

(એજન્સી)નવી દિલ્હી, નેશનલ હેરાલ્ડ કેસનો જીન ગાંધી પરિવારનો પીછો છોડવાનું નામ નથી લઈ રહ્યો. આ જ ક્રમમાં, દિલ્હી પોલીસે ફરી એકવાર સોનિયા ગાંધી અને રાહુલ ગાંધી વિરુદ્ધ નવી એફઆઈઆર નોંધી છે.

દિલ્હી પોલીસની ઇકોનોમિક ઓફેન્સ વિંગએ કોંગ્રેસના નેતા રાહુલ ગાંધી અને રાજ્યસભાના સાંસદ સોનિયા ગાંધી સહિત અનેક લોકો પર ફોજદારી કાવતરાના આરોપમાં નવી એફઆઈઆર નોંધી છે. આ એફઆઈઆર ઈડી (એન્ફોર્સમેન્ટ ડિરેક્ટોરેટ) મુખ્યાલય દ્વારા ફરિયાદ નોંધાવ્યા પછી રજિસ્ટર કરવામાં આવી છે.

એફઆઈઆરમાં રાહુલ અને સોનિયા સિવાય અન્ય છ વ્યક્તિઓ અને ત્રણ કંપનીઓના નામનો પણ સમાવેશ થાય છે. હકીકતમાં, એફઆઈઆર મુજબ આરોપ છે કે કોંગ્રેસ સાથે જોડાયેલી કંપની એસોસિયેટેડ જર્નલ્સ લિમિટેડ પર છેતરપિંડીથી કબજો કરવા અને તેની સંપત્તિનું નિયંત્રણ લેવા માટે ફોજદારી કાવતરું ઘડવામાં આવ્યું. આ એફઆઈઆર ૩ ઓક્ટોબરના રોજ નોંધાઈ હતી.

આ પહેલા, ઈડીએ પોતાનો તપાસ રિપોર્ટ દિલ્હી પોલીસ સાથે શેર કર્યો હતો અને પીએમએલએ (પ્રિવેન્શન ઓફ મની લોન્ડરિંગ એક્ટ) ની કલમ ૬૬(૨) હેઠળ સૂચિબદ્ધ ગુનો નોંધવાની ભલામણ કરી હતી. આ કેસમાં ખાસ કરીને આરોપ છે કે યંગ ઈન્ડિયન નામની કંપનીનો ઉપયોગ છત્નન્ ની આશરે ૨,૦૦૦ કરોડની સંપત્તિ હસ્તગત કરવા માટે કરવામાં આવ્યો હતો.

એફઆઈઆરમાં સોનિયા ગાંધી, રાહુલ ગાંધી, ઇન્ડિયન ઓવરસીઝ કોંગ્રેસના પ્રમુખ સેમ પિત્રોડા અને અન્ય લોકોના નામ નોંધાયેલા છે. જ્યારે ડોએક્સ કોલકાતાની એક કથિત શેલ કંપની હોવાનું કહેવાય છે, જેણે યંગ ઈન્ડિયનને ૧ કરોડ આપ્યા હતા. આ જ લેવડ-દેવડની મદદથી યંગ ઈન્ડિયનને કોંગ્રેસને ૫૦ લાખ આપીને એજેએલ પર નિયંત્રણ મેળવી લીધું હતું.