સાબરમતીથી દિલ્લી વચ્ચે વિશેષ સ્પેશ્યલ ટ્રેન ચલાવશે પશ્ચિમ રેલવે

અહમદાબાદ–દિલ્લી કોરિડોર પર તાજેતરમાં ઇન્ડિગો એરલાઇન્સની અનેક ફ્લાઇટ્સ રદ્દ થવાથી હવાઈ મુસાફરોને ભારે હાલાકીનો સામનો કરવો પડ્યો છે. તેના પરિણામે મોટી સંખ્યામાં મુસાફરોને વિકલ્પ રૂપ પરિવહન સાધનની જરૂરિયાત અનુભવી છે. મુસાફરોની વધતી માંગને ધ્યાનમાં રાખીને પશ્ચિમ રેલવે દ્વારા અમદાવાદ ના સાબરમતી સ્ટેશન અને દિલ્હી જંક્શન વચ્ચે વિશેષ ભાડે ટ્રેન ઓન ડિમાન્ડ (TOD) સ્પેશ્યલ ટ્રેન ચલાવવાનો નિર્ણય લેવામાં આવ્યો છે.

આ સ્પેશ્યલ ટ્રેનનો મુખ્ય હેતુ મુસાફરોને વિશ્વસનીય, સુરક્ષિત અને સમયસર મુસાફરી સુવિધા ઉપલબ્ધ કરાવવાનો છે, જેથી ફ્લાઇટ રદ્દ થવાની સ્થિતિમાં તેમને કોઈપણ પ્રકારની મુશ્કેલી ન પડે. ટ્રેનનું સંચાલન મુસાફરોની વાસ્તવિક માંગને ધ્યાનમાં રાખીને કરવામાં આવશે, જેથી અમદાવાદ-દિલ્લી રૂટ પર મુસાફરી કરનાર લોકોને સુવિધા મળે.

પશ્ચિમ રેલવેની આ પહેલ તહેવારો તથા રજાકાલ દરમ્યાન મુસાફરીની વધતી માંગ પૂરી કરવામાં મહત્વપૂર્ણ સાબિત થશે. સ્પેશ્યલ ટ્રેનના સંચાલનથી મુસાફરોને કિફાયતી દરે અનુકૂળ મુસાફરી વિકલ્પ ઉપલબ્ધ થશે તથા અહમદાબાદ અને દિલ્હી વચ્ચે સતત અને સરળ અવરજવર સુનિશ્ચિત થશે.

આ સ્પેશ્યલ ટ્રેનનો સમયપત્રક, આરક્ષણ વિગતો તથા અન્ય સંચાલન સંબંધિત માહિતી પશ્ચિમ રેલવે દ્વારા જલદી જ જાહેર કરવામાં આવશે.