‘બાંગ્લાદેશી ઘૂસણખોરોને આસામમાં વસાવવા માગે છે કોંગ્રેસઃ વડાપ્રધાન

આસામના નવા એરપોર્ટ માટે ₹૪,૦૦૦ કરોડ મુખ્ય ટર્મિનલના નિર્માણ માટે અને બાકીના ₹૧,૦૦૦ કરોડ મેઈન્ટેનન્સ, રિપેર અને ઓવરહોલ (MRO) સુવિધાઓ માટે ફાળવવામાં આવ્યા.

(એજન્સી)દીસપુર, વડાપ્રધાન નરેન્દ્ર મોદીએ આસામના બે દિવસીય પ્રવાસ દરમિયાન નામરૂપ ખાતે આસામ વેલી ફર્ટિલાઇઝર એન્ડ કેમિકલ કંપની લિમિટેડના એમોનિયા-યુરિયા પ્રોજેક્ટનું ભૂમિપૂજન કર્યું હતું.

આ કાર્યક્રમ પહેલા વડાપ્રધાન નરેન્દ્ર મોદીએ ગુવાહાટી એરપોર્ટના નવા ટર્મિનલનું પણ ઉદ્ઘાટન કર્યું હતું. તેમણે નામરૂ ખાતે કહ્યું કે, ‘આજનો દિવસ ઐતિહાસિક છે, જે સપનાની લાંબા સમયથી રાહ જોવાતી હતી તે હવે સાકાર થઈ રહ્યું છે.’ વડાપ્રધાન મોદીએ જનમેદનીને સંબોધન કરીને કહ્યું કે, ‘વિકસિત ભારતના નિર્માણમાં ખેડૂતોની ભૂમિકા સર્વોપરી છે.

PM Modi Visit in Assam : “असम का विकास…” Assam दौरे के दौरान PM Modi ने Congress पर कसा तंज | BJP#PMModi #Assam #NortheastIndia #Congress #AssamDevelopment #Guwahati pic.twitter.com/3gnooqb7iV

— Punjab Kesari (@punjabkesari) December 21, 2025

નામરૂપની આ નવી યુનિટ રોજગાર અને સ્વરોજગારની હજારો તકો ઉભી કરશે, જેનાથી સ્થાનિક યુવાનોને મોટો ફાયદો થશે. ભાજપની ડબલ એન્જિન સરકાર ઉદ્યોગ અને કનેક્ટિવિટીની જુગલબંધી દ્વારા આસામના સપના પૂરા કરી રહી છે.’

વડાપ્રધાને કોંગ્રેસ શાસન પર પ્રહાર કરતા કહ્યું કે, ‘અગાઉ ખેડૂતોને યુરિયા માટે લાંબી લાઈનોમાં ઊભા રહેવું પડતું અને પોલીસના લાઠીચાર્જનો સામનો કરવો પડતો હતો. અમારી સરકારે આ પરિસ્થિતિ સુધારી છે અને હવે ખેડૂતોને બીજથી બજાર સુધી તમામ મદદ મળી રહી છે.

અત્યાર સુધીમાં પીએમ કિસાન સન્માન નિધિ હેઠળ લગભગ ચાર લાખ કરોડ રૂપિયા સીધા ખેડૂતોના ખાતામાં જમા કરવામાં આવ્યા છે.’ વડાપ્રધાન મોદીએ સ્પેશિયલ ઇન્ટેન્સિવ રિવિઝન મુદ્દે કોંગ્રેસ પર આક્ષેપ કર્યો છે કે, ‘કોંગ્રેસ હજુ પણ દેશવિરોધી વિચારધારાને પ્રોત્સાહન આપી રહી છે અને વોટબેંકના સ્વાર્થ માટે આસામની જમીન પર બાંગ્લાદેશી ઘૂસણખોરોને વસાવવા માંગે છે. કોંગ્રેસ જ ગેરકાયદે ઘૂસણખોરોને બચાવી રહી છે અને તેથી જ વોટર લિસ્ટના શુદ્ધિકરણનો વિરોધ કરી રહી છે.’

Guwahati | Prime Minister Narendra Modi visits the Swahid Smarak Kshetra and pays homage to the martyrs of the Assam Movement.

પ્રોજેક્ટનો ખર્ચ અને ક્ષમતા

• કુલ ખર્ચ: આ પ્રોજેક્ટ પાછળ અંદાજે ₹૫,૦૦૦ કરોડ નો ખર્ચ કરવામાં આવ્યો છે.

• ટર્મિનલ બિલ્ડિંગનો ખર્ચ: તેમાંથી લગભગ ₹૪,૦૦૦ કરોડ મુખ્ય ટર્મિનલના નિર્માણ માટે અને બાકીના ₹૧,૦૦૦ કરોડ મેઈન્ટેનન્સ, રિપેર અને ઓવરહોલ (MRO) સુવિધાઓ માટે ફાળવવામાં આવ્યા છે.

• મુસાફરોની ક્ષમતા: આ નવું ટર્મિનલ વાર્ષિક ૧.૩૧ કરોડ (૧૩.૧ મિલિયન) મુસાફરોને હેન્ડલ કરવાની ક્ષમતા ધરાવે છે. આ પૂર્વોત્તર ભારતનું સૌથી મોટું એરપોર્ટ ટર્મિનલ છે.

ખાસિયતો અને ડિઝાઇન

• નેચર-થીમ આધારિત ડિઝાઇન: આ ભારતનું પ્રથમ “પ્રકૃતિ-થીમ” (Nature-themed) આધારિત એરપોર્ટ છે. ટર્મિનલની અંદર ૧૦૦થી વધુ દેશી પ્રજાતિના લગભગ ૧ લાખ છોડ સાથેનું ‘સ્કાય ફોરેસ્ટ’ બનાવવામાં આવ્યું છે.

• સાંસ્કૃતિક વારસો: ટર્મિનલની ડિઝાઇનમાં અસમની પ્રખ્યાત ‘વાંસ કલા’ અને ‘ઓર્કિડ’ (કોપુ ફૂલ) ની થીમનો ઉપયોગ કરવામાં આવ્યો છે. અહીં અસમના કાઝીરંગા નેશનલ પાર્કથી પ્રેરિત લેન્ડસ્કેપિંગ પણ જોવા મળે છે.

• ગોપીનાથ બારદોલોઈની પ્રતિમા: પીએમ મોદીએ એરપોર્ટની બહાર અસમના પ્રથમ મુખ્યમંત્રી લોકપ્રિય ગોપીનાથ બારદોલોઈની ૮૦ ફૂટ ઊંચી પ્રતિમાનું પણ અનાવરણ કર્યું હતું.

• આધુનિક ટેકનોલોજી: આ એરપોર્ટ ડિજીયાત્રા (DigiYatra), આર્ટિફિશિયલ ઈન્ટેલિજન્સ આધારિત ઓપરેશન્સ અને ઓટોમેટેડ બેગેજ હેન્ડલિંગ સિસ્ટમ જેવી હાઈ-ટેક સુવિધાઓથી સજ્જ છે.

આ નવું ટર્મિનલ અસમને “દક્ષિણ-પૂર્વ એશિયાનું પ્રવેશદ્વાર” (Gateway to Southeast Asia) બનાવવાની દિશામાં મહત્વનું પગલું છે. તે પ્રદેશમાં પ્રવાસન, વેપાર અને રોજગારીની નવી તકો ઉભી કરશે. આ એરપોર્ટનું સંચાલન અદાણી ગ્રુપ દ્વારા કરવામાં આવી રહ્યું છે.