દીપુને ઝાડ સાથે બાંધી દેવાયો અને આગ લગાડી દીધી બાંગ્લાદેશમાં કટ્ટરપંથીઓએ

બાંગ્લાદેશ: દીપુ દાસને ફેક્ટરીમાંથી ખેંચીને લઈ ગઈ હતી ઉન્માદી ભીડ-બાંગ્લાદેશમાં કટ્ટરપંથીઓના મોબ લિંચિંગનો ભોગ બનેલા હિન્દુ યુવકની આખી કહાની મીડિયામાં આવતા હડકંપ મચ્યો

(એજન્સી) ઢાકા, બાંગ્લાદેશમાં કટ્ટરપંથીઓના મોબ લિંચિંગનો ભોગ બનેલા હિન્દુ યુવક દીપુચંદ્ર દાસની આખી કહાની મીડિયામાં આવતા જ હડકંપ મચી ગયો છે. બાંગ્લાદેશના મેયમનસિંહ જિલ્લાના એસપી (ઈન્ડસ્ટ્રીયલ) મોહમ્મદ ફરહાદ હુસૈન ખાને કહ્યું કે તેમને આ ઘટનાની જાણકારી તેમના એક એસઆઈએ રાતે આઠ વાગે આપી હતી.

અત્રે જણાવવાનું કે બાંગ્લાદેશમાં વિદ્યાર્થી નેતા શરીફ ઉસ્માન હાદીના મોત બાદ શરૂ થયેલી હિંસામાં અલ્પસંખ્યક નિશાન પર આવ્યા છે. રાજધાની ઢાકા સહિત મોટા શહેરોમાં સતત તોડફોડ અને આગચંપીના બનાવો બની રહ્યા છે.

બાંગ્લાદેશમાં ભીડની હેવાનિયતનો ભોગ બનેલા દીપુચંદ્ર દાસની હત્યાની બરાબર પહેલાનું વીડિયો ફૂટેજ સામે આવ્યું છે. તેનાથી ખબર પડે છે કે કઈ રીતે ભીડે સમગ્ર વિસ્તારને પોતાના કંટ્રોલમાં રાખ્યો હતો અને ત્યાં કાયદો વ્યવસ્થા જેવી કોઈ ચીજ નહતી.

• ઘટનાની વિગતો: બાંગ્લાદેશમાં એક હિન્દુ ફેક્ટરી કામદાર, દીપુ ચંદ્ર દાસની, ઈશનિંદાના (ધાર્મિક અપમાન) આરોપસર ભીડ દ્વારા હત્યા (Lynching) કરવામાં આવી હતી. જોકે, પોલીસ તપાસમાં જાણવા મળ્યું છે કે આ આરોપોના કોઈ પુરાવા મળ્યા નથી.

• સુપરવાઈઝરની ભૂમિકા: તપાસકર્તાઓનું કહેવું છે કે ફેક્ટરીના સુપરવાઈઝરોએ દીપુ દાસને પરાણે રાજીનામું આપવા મજબૂર કર્યો હતો અને સમયસર પોલીસને બોલાવવાને બદલે તેને કટ્ટરપંથી ઇસ્લામી ભીડને સોંપી દીધો હતો.

• હિંસાની પરાકાષ્ઠા: ઉશ્કેરાયેલી ભીડે તેને માર મારીને મોતને ઘાટ ઉતારી દીધો હતો. ત્યારબાદ તેના મૃતદેહને હાઈવે પર લટકાવવામાં આવ્યો અને પછી તેને આગ ચાંપી દેવામાં આવી હતી. આ ઘટનામાં તેના કેટલાક સહકાર્યકરો પણ સામેલ હોવાનો આક્ષેપ છે.

• કાયદાકીય કાર્યવાહી: સત્તાવાળાઓએ આ મામલે ફેક્ટરીના અધિકારીઓ સહિત અનેક લોકોની ધરપકડ કરી છે અને જણાવ્યું છે કે હાલમાં તપાસ ચાલી રહી છે.

ન્યૂઝ બ્રોડકાસ્ટર જમુના ટીવીએ તે સમયનો વીડિયો જારી કર્યો છે. જ્યારે હિન્દુ યુવક દીપુચંદ્ર દાસને બાંગ્લાદેશના મૈમનસિંહ વિસ્તારમાં ભીડે માર મારીને હત્યા કરી નાખી હતી. સામે આવેલા એક વીડિયોમાં એક મોટા દરવાજા બહાર ભીડ જોવા મળી રહી છે.

આ લોકો ખુબ ઉત્તેજિત જોવા મળી રહ્યા છે. ગણતરીની પળોમાં દરવાજો ખુલે છે અને ભીડ દીપુને પોતાની સાથે લઈ જતી જોવા મળી રહી છે. વીડિયો જોઈને અંદાજો લગાવવામાં આવી રહ્યો છે કે આ ભીડ તે ફેક્ટરીની સામે જમા છે જ્યાં દીપુ દાસ કામ કરતો હતો.

દીપુને ગુરુવારે ઈશનિંદાના આરોપમાં ભીડે નિર્દયતાથી માર મારીને મોતને ઘાટ ઉતારી દીધો હતો. હત્યા બાદ દીપુને ઝાડ સાથે બાંધી દેવાયો અને તેના મૃતદેહને આગ લગાડી દીધી. અનેક રિપોર્ટ્‌સમાં એવો દાવો કરાયો છે કે પોલીસે જો હિંમત દેખાડી હોત તો દીપુનો જીવ બચી શક્્યો હોત.

પોલીસકર્મીઓએ ભીડનો સામનો કરવાની જગ્યાએ દીપુને લોકોને સોંપી દીધો. દીપુની હત્યા બાદ બાંગ્લાદેશના અધિકારીઓએ જણાવ્યું કે ભીડના દાવાને સપોર્ટ કરનારો કોઈ પુરાવો મળ્યો નથી. એટલે કે એ વાતનો કોઈ પુરાવો નથી મળ્યો જેનાથી એ સાબિત થાય કે દીપુએ ઈશનિંદા કરી હતી. પોલીસને હજુ સુધી તેના ઈશ્વર કે પયગંબર વિરુદ્ધ કઈ ખોટું કહેવાનો કોઈ પુરાવો મળ્યો નથી.

અત્રે ઉલ્લેખનીય છે કે, બાંગ્લાદેશમાં દીપુ દાસ (ચિત્તાગોંગના રહેવાસી) નવેમ્બર ૨૦૨૪ના અંતમાં ભારે વિવાદ અને નિશાન (Target) બન્યા હતા. તેમની વિરુદ્ધ નિશાન સાધવા પાછળના મુખ્ય કારણો નીચે મુજબ છે:

૧. સોશિયલ મીડિયા પર ધાર્મિક અપમાનના આક્ષેપો

દીપુ દાસને નિશાન બનાવવાનું મુખ્ય કારણ એક સોશિયલ મીડિયા પોસ્ટ હતી, જે ઈસ્લામ ધર્મ માટે અપમાનજનક હોવાનું માનવામાં આવ્યું હતું. સ્થાનિક અહેવાલો મુજબ, તેમની પ્રોફાઇલ સાથે જોડાયેલી એક પોસ્ટમાં કથિત રીતે એક મસ્જિદ અથવા ધાર્મિક સ્થળ પર ભગવો ધ્વજ લહેરાતો હોવાનું દર્શાવવામાં આવ્યું હતું. આ બાબતને મુસ્લિમ સમુદાય દ્વારા અપમાનજનક ગણવામાં આવી હતી.

૨. ઇસ્કોન (ISKCON) વિવાદ અને કાયદાકીય કાર્યવાહી

હિન્દુ નેતા ચિન્મય કૃષ્ણ દાસની ધરપકડ બાદ ચિત્તાગોંગમાં ભારે સાંપ્રદાયિક તણાવ પેદા થયો હતો. આ હિંસક વિરોધ પ્રદર્શનો અને અંધાધૂંધી વચ્ચે અનેક લોકો સામે કેસ દાખલ કરવામાં આવ્યા હતા. ધાર્મિક નફરત ફેલાવવા અને જાહેર વ્યવસ્થા બગાડવાના આરોપસર નોંધાયેલી FIRમાં દીપુ દાસનું નામ વિશેષ રીતે સામે આવ્યું હતું.