વનવિભાગે ૬ આંધળી ચાકણ અને ૨ કાચબા સાથે વન્યજીવોની તસ્કરી કરતા આરોપીને દબોચ્યો

હાલમાં જ અરવલ્લી જિલ્લામાં શામળાજી વનવિભાગ દ્વારા કીડી ખાવ ની તસ્કરી કરતા ઉત્તરાખંડ ના એક ઈસમ ને પકડી પાડ્યો હતો.અરવલ્લી જીલ્લામાં આવા અનેક હેરાફેરીઓ ના અને વન્યજીવોને મારવા તેમજ મારી નાખવાના કિસ્સાઓ બને છે પણ ઘટના માત્ર ચર્ચાઓ માં જ રહી જાય છે, વન વિભાગ આવા ગેરકાયદેસર અને તસ્કરી કરતા  લોકોની યાદી તૈયાર કરવામાં આળસ કરતી હોય તેવું જોવા મળી રહ્યું છે. કે પછી આંખ આડા કાન કરી રહ્યું છે

ત્યારે બાયડ તાલુકા ના સાઠંબા  ના પટેલ ના મુવાડા માં રહેતા દ્વારકાધીશ અંબાલાલ પટેલ ઉર્ફે જીગાભાઇ ના ઘરે વનવિભાગે બાતમી હકીકત ના આધારે રેડ કરતા તેમના ઘર માંથી પીપડા માં સંતાડેલ ૬ આંધળી ચાકણ (ગુણી )અને ૨ કાચબા સાથે આરોપી ને પકડી વધુ પૂછપરછ કરવામાં આવી રહી છે