કોરોનાને કારણે બ્રિટિશ એરવેઝે બોઈંગ ૭૪૭ વિમાનને વિદાય આપી
નવી દિલ્હી, ગત સપ્તાહે બ્રિટિશ એરવેઝના છેલ્લા બે બોઇંગ વિમાનોએ છેલ્લી ઉડ્ડાન, લંડનના હીથ્રો હવાઇ મથકથી ભરી હતી અને મોટી સંખ્યામાં દર્શકોએ તેને જોવા હાજર રહ્યા હતા. બોઇગ 747 અને એરબસ એ 380 જેવા ચાર એન્જિન વાળા વિમાનોની હવે વિદાય થઇ ચૂકી છે. જેની પાછળ મોટું કારણ કોરોના વાયરસને માનવામાં આવે છે.
બોઇંગ 747 વિમાન 1994 અને એરબસ એ 380 વિમાન 1998માં બ્રિટિશ એરવેઝમાં સામેલ થયા હતા. બંને વિમાને મળીને 24,432 ઉડાન અને 104 મિલિયન મીલનો સફર કર્યો છે. પણ હવે તેમની છેલ્લી ઉડ્ડાન સાથે તેમની વિદાયનો સમય પણ આવી ગયો છે.
આધુનિક નાગરિક ઉડ્ડાયન ક્ષેત્રમાં બોઇંગ 747વિમાનનો આજે કોઇ વિમાન સામનો નથી કરી શકતું. તેનો વિશાળ આકાર અને ચાર એન્જિન આ વિમાનને ખાસ બનાવે છે. વ્યાવસાયિક અનિર્વાર્યતાને કારણે 747 વિમાનનું સર્જન થયું હતું. તેની પાછળ એક મોટી સ્ટોરી છે.
અમેરિકી કંપનીએ 1966માં 747 વિમાનના ઓર્ડર લેવાની શરૂઆત કરી હતી. તે જ વર્ષે 10 એરલાઇન્સે 83, 747 વિમાનોનો ઓર્ડર આપ્યો હતો. જેમાં 5 અમેરિકા અને ફ્રાંસ, જર્મની, ઇટલી, જાપન અને બ્રિટનની એક એક એરલાઇન્સ કંપની પણ સામેલ છે. 1990માં 747 વિમાનોની મોટી માંગ હતી. આ સમયે તે વિમાનોને જમ્બો નામથી બોલવવામાં આવતા હતા.
1970 અને 1980 ના દાયકામાં 747 વિમાનનો સુવર્ણ યુગ હતો. લાંબા અંતરનો માર્ગને તે સરળતાથી પસાર કરતો હતો અને આ મામલે આ વિમાનનો આમાં કોઈ હરીફ નહોતો. આ સમયગાળા દરમિયાન, નવી બોઇંગ એરલાઇન્સને વિમાન વ્યવસાય, તકનીકી વિકાસ અને સ્પર્ધાને ધ્યાનમાં રાખીને નવા ઓર્ડર મેળવવાનું શરૂ કર્યું. તે જ સમયે, ઘણી એરલાઇન્સ કંપનીઓએ પણ આ વિમાનોને આધુનિક બનાવવાની માંગ કરી હતી.
1991માં, બોઇંગના યુરોપિયન હરીફ એરબસે તેનું ફોર એન્જિન A340 વિમાન લોન્ચ કર્યું હતું. ત્રણ વર્ષ પછી, બોઇંગે જ પોતાનું બે એન્જિન 777 વિમાન લોંચ કર્યું, જે 300 થી 550 મુસાફરોને લઈ જવામાં સક્ષમ છે.
