અમેરિકાના દંપત્તિનું કોરોના સંક્રમણથી એક જ દિવસે મોત
Files Photo
વોશિંગ્ટન, કોરોના વાયરસની મહામારીના કારણે દેશ-વિદેશમાં ઘણાં લોકોના મોત થયા છે. ત્યારે અમેરિકાના મિશિગનમાં એક વૃદ્ધ કપલનું કોરોનાના કારણે એક જ દિવસે મોત થયું હોવાની ઘટના જાણવા મળી છે. આજથી ૪૭ વર્ષ પહેલા આ કપલના લગ્ન થયા હતા અને તેઓ બંનેના એક જ દિવસે કોરોનાના કારણે મોત થયા છે. સરેરાશ ૭૫ વર્ષની ઉંમર ધરાવતા આ દંપતિનું એક જ દિવસે કોરોનાના કારણે મોત થયું છે.
આ દંપતિના પરિવારનું એવું માનવું છે કે તેઓ બહાર રેસ્ટોરન્ટમાં જમવા માટે ગયા હતા અને ત્યાં તેઓ કોરોના સંક્રમિત થયા હોય એવું બની શકે. આ કારણે અન્ય લોકોને પણ વાયરસથી સાવધાન રહેવા અને કોરોનાની ગાઈડલાઈનનું પાલન કરવાનું તેમણે જણાવ્યું છે. આ પતિ-પત્ની છેલ્લા ૪૭ વર્ષથી એકસાથે હતા અને હવે કોરોનાના કારણે તેમનું એક જ સમયે મોત નીપજ્યું છે.
આ દંપતિના મૃત્યુ વિશે હોસ્પિટલના સ્ટાફનું કહેવું છે કે તેઓના મૃત્યુ એક જ સમયે થયા છે. આ વૃદ્ધ દંપતિના દીકરીએ જણાવ્યું કે તેઓનું મોત રોમિયો અને જુલિયટની વાર્તા પ્રકારે થયું છે. આ વૃદ્ધ દંપતિ પૈકી પત્નીએ ૩૫ વર્ષ સુધી નર્સ તરીકે કામ કર્યું હતું જ્યારે પતિ ટ્રક ડ્રાઈવર હતા અને અગાઉ અમેરિકન નેવી સાથે જોડાયેલા હતા. તેઓના લગ્ન વર્ષ ૧૯૭૩માં થયા હતા.SSS
