Bigg Boss ૧૪નો બીજો ફાઇનલિસ્ટ અભિનવ શુક્લા

મુંબઈ: બિગ બોસ ૧૪ માં ટોપ -૪ સ્પર્ધક બનવાની રેસ ચાલુ છે. ફાઈનલ વીક ચાલી રહ્યું છે અને ફક્ત ૪ સ્પર્ધકો જ ઘરમાં રહેશે. ઈમ્યૂનિટી સ્ટોન મળ્યા બાદ એજાઝ ખાન પહેલાથી જ ફાઈનલમાં પહોંચી ગયો છે, જ્યારે હવે અહેવાલ છે કે અભિનવ શુક્લ બીજો ફાઇનલિસ્ટ બની ગયો છે.

અહેવાલો અનુસાર અભિનવે બોટ ટાસ્કમાં તેની પત્ની રૂબીના દિલેક તેમજ નિક્કી તંબોલી, જાસ્મિન ભસીન અને રાહુલ વૈદ્યને હરાવીને ફાઈનલની ટિકિટ જીતી લીધી છે! બિગ બોસના ઘરની અંદરના સમાચાર આપતા ટિ્‌વટર હેન્ડલ ‘ધ ખબરી’એ આ અંગેની માહિતી આપી છે.

ખબરીના ટિ્‌વટ મુજબ અભિનવ શુક્લા લાંબા સમય સુધી બોટમાં ખુરશી પર બેસી રહ્યો. આવી સ્થિતિમાં કાર્ય વિજેતા બનવાની સાથે તે આ શોનો બીજો ફાઇનલિસ્ટ બની ગયો છે. ટાસ્ક શરૂ થયા બાદ રૂબીના દિલેક સાથેના ઝઘડાને કારણે કવિતા કૌશિક પોતે ઘરની બહાર નીકળી ગઈ હતી. આ પછી બિગ બોસે ટાસ્કનો બીજો રાઉન્ડ શરૂ કર્યો જેમાં રુબીના દિલેક આઉટ થઈ ગઈ. ત્રીજા રાઉન્ડમાં રાહુલ વૈદ્ય આઉટ થયો હતો.

ચોથા રાઉન્ડમાં જસ્મિન ભસીન રમતથી આઉટ થઈ. અંતિમ રાઉન્ડમાં નિક્કી તંબોલી અને અભિનવ શુક્લા વચ્ચે મજબૂત ટક્કર થઈ હતી. પરંતુ અભિનવ ખુરશી પર રહ્યો અને તે કાર્યનો વિજેતા બન્યો. સલમાન ખાનની જાહેરાત મુજબ હવે અભિનવ શુક્લા ફાઇનલિસ્ટ બનતાની સાથે જ ફિનાલેમાં હવે માત્ર બે જ સ્પર્ધકોને પ્રવેશ મળશે. ઘરમાં રુબીના દિલેક, જાસ્મિન ભસીન, રાહુલ વૈદ્ય અને નિક્કી તંબોલી વચ્ચે યુદ્ધ થશે. આ ચારમાંથી ફક્ત બે જ ફાઈનલની ટિકિટ મેળવશે.